Read Batak Dairi 1 Musa 5 Bible Online

1 Musa 5 - Batak Dairi bible

1 Musa 5

¹En mo cundut pemparen si Adam. (Tikan ihanaken Dèbata jelma i, ijadiken ngo kalak i bagè Dèbata sendiri.

²Anak laki dekket daberru ngo kalak i itempa. Ipasu-pasu mo kalak i janah “Jelma” ngo kalak i idokken).

³Tikan merumur 130 tahun si Adam, tubuh mo anakna tosè bagèsa, ibaing mo gerarna si Set.

⁴Kessa i nggelluh dèng ngo si Adam 800 tahun nai janah mertubuhen dèng ngo dukak-dukakna.

⁵Matè ia tikan merumur 930 tahun.

⁶Merumur 105 tahun si Set, lot mo anakna gerarna si Enos.

⁷Kessa i nggelluh dèng ngo ia 807 tahun nai janah mertubuhen ngo dukak-dukakna dèng ma.

⁸Matè mo ia tikan merumur 912 tahun.

⁹Tikan merumur 90 tahun si Enos, lot mo anakna gerarna si Kenan.

¹⁰Kessa i nggelluh dèng ngo si Enos 815 tahun nai janah lot dèng ngo dukak-dukakna sidèban.

¹¹Matè mo ia tikan merumur 905 tahun.

¹²Tikan merumur 70 tahun si Kenan, lot mo anakna gerarna si Mahalaleel.

¹³Nggelluh dèng ngo si Kenan 840 tahun nai janah lot dèng ngo dukak-dukakna sidèban.

¹⁴Matè mo ia tikan merumur 910 tahun.

¹⁵Tikan merumur 65 tahun si Mahalaleel, lot mo anakna mergerar si Jared.

¹⁶Kessai nggelluh dèng ngo si Mahalaleel 830 tahun nai janah lot dèng ngo dukak-dukakna sidèban.

¹⁷Matè mo ia tikan merumur 895 tahun.

¹⁸Tikan merumur 162 tahun si Jared, lot mo anakna mergerar si Henokh.

¹⁹Kessai nggelluh dèng ngo si Jared 800 tahun nai, janah lot dèng ngo dukakna sidèban.

²⁰Matè mo ia tikan merumur 962 tahun.

²¹Tikan merumur 65 tahun si Henokh lot mo anakna mergerar si Metusala.

²²Kessai mersaor dekket Dèbata ngo si Henokh sidekkah 300 tahun. Lot dèng ma ngo dukak-dukakna sidèban

²³janah merumur mo ia 365 tahun.

²⁴Kerna mersaor dekket Dèbata ngo si Henokh, mersep mo ia kerna ialeng Dèbata.

²⁵Tikan merumur 187 tahun si Metusala, lot mo anakna mergerar si Lamekh.

²⁶Kessai nggelluh dèng ngo si Metusala 782 tahun nai janah lot dèng ngo dukak-dukakna sidèban.

²⁷Matè mo ia tikan merumur 969 tahun.

²⁸Tikan merumur 182 tahun si Lamekh, lot mo dukakna daholi.

²⁹Nina si Lamekh mo, “Ukum anak èn penahangken ulaenta tikan siula tanoh sinisumpahi Dèbata.” Kumernaken i igerari si Lamekh mo anakna i si Noak.

³⁰Kessai nggelluh dèng ngo si Lamekh 595 tahun nai. Lot dèng ngo dukak-dukakna sidèban

³¹janah matè mo ia tikan merumur 777 tahun.

³²Kessa merumur 500 tahun si Noak, lot mo anakna imo si Sem, si Jafet dekket si Ham.