Read Batak Dairi 1 Musa 9 Bible Online

1 Musa 9 - Batak Dairi bible

1 Musa 9

¹Ipasu-pasu Dèbata mo si Noak dekket dukak-dukakna i, nina mo, “Merrak-merrik mo kènè, asa meppar pinemparmu mengiani suberri tanoh èn.

²Karina manuk-manuk dekket ikan bak binatang sidèban i, kennah tunduk bamu. Rajai mo i karinana.

³Ndorok ngo ipangan ko karinana idi ndorok mahan panganmu, bagima suan-suanen meratah, karinana idi Kuberrèken bamu mahan panganmu.

⁴Siso ndorok ipangan kono imo jukut mula isidi dèng darohna, ai ibagasen daroh i ngo kessah.

⁵Gennep jelma dekket binatang simemunuh jelma kennah hukumen matè.

⁶Tosè baKu ngo jelma i itempa; kumarnana i, barang isè memunuh jelma ia pè kennah ibunuh jelma ngo.

⁷Asa, kennah merrak-merrik mo kènè asa i iani pinempar ndènè suberri tanoh èn.”

⁸Nina Dèbata JAHOWA mo taba si Noak dekket taba dukak-dukakna,

⁹“Bagèndari Kubaing mo padan dekket kènè soh mi pinempar ndènè

¹⁰dekket karinana simenggormit imo manuk-manuk bak karina binatang darat bang taba karina sikaruar i keppel i nai sirebbak dekket kènè.

¹¹En mo padanKu dekket kènè: Kumangmangken mo oda nè ripasenkenku karinana simenggormit merkitè laè mengeraja. Oda nè masa laè mengeraja mengeripasken tanoh èn.

¹²En mo mahan pertandaen padanKu soh mi amman sumendah; siKubaing dekket kènè karina simenggormit,

¹³Kubaing mo bintoha i abang-abang i mahan tanda padanKu dekket dunia èn.

¹⁴Gennep Kusangkemmi langit i, merkitè hembun taridah mo bintoha,

¹⁵Kuèngèt mo padanKu bamu dekket taba karina simenggormit, magahken oda nè lot laè mengeraja lako mengeripasken karinana simenggormit.

¹⁶Mula taridah bintoha i hembun i, Kuidah ma mo i janah kuèngèt padan sihot soh mi amman sumendah, imo padanKu dekket karinana simenggormit i tanoh èn.

¹⁷Imo pertandana padanKu sikupadanken taba karina simenggormit i tanoh èn.”

¹⁸Ukum dukak-dukak si Noak sikaruar i keppel i nai imo si Sem, si Japet dekket si Ham. (Si Ham imo empung kalak Kanaan).

¹⁹Anak si Noak sitellu i imo empung karina jelma i tanoh èn.

²⁰Peruma-uma ngo si Noak, ia ngo perlebbè kalohon merpekken anggur.

²¹Enggo kessa pul iènum si Noak anggurna i, mabuk mo ia. Italkasi mo karina olesna, nai meddem mo ia i undung-undungna, lubus oda meroles.

²²Tikan idah si Ham bapa si Kanaan, bapana i lubus, laus mo ia magahken i taba dengan sibeltekna sidua i.

²³Nai ibuat si Sem dekket si Japet mo sirambar jubah janah isangkemken mi bara kalak i. Merdalan sondar mo kalak i mi undung-undung i, nai icabingi kalak i mo bapana i dekket jubah i. Ipepèol kalak i ngo penèngenna asa ulang idah kalak i bapana lubus i.

²⁴Enggo kesa satdar si Noak i mabukna i nai janah ibettoh kessa sinibaing anakna siampun-ampun i mi dirina,

²⁵nina mo, “Kenna sempetta mo Kanaan! Gabè pacik gorisen mo ia bai kaka-anggina.

²⁶Poji mo JAHOWA, Dèbata si Sem! Ukum Kanaan gabè hamba si Sem mo.

²⁷Dak itambahi Dèbata mo pasu-pasuna bai si Japet merkitè dak ipebellang bekkasna merian. Katerra pè pemparenna rebbak merian dekket pemparen si Sem. Ukum Kanaan gabè hamba si Japet.”

²⁸Enggo kessa laè mengeraja i, nggelluh dèng ngo si Noak 350 tahun nai.

²⁹Matè mo ia tikan merumur 950 tahun.