Read Batak Dairi 2 Samuel 23 Bible Online

2 Samuel 23 - Batak Dairi bible

2 Samuel 23

¹Ukum si Daud anak si Isai, ipilih Dèbata si Jakob ngo gabè raja sitermurmur. Ia ma ngo mengkarang endè bai kalak Israel. En mo ranana perpodi:

²Enggo mengerana Tendi JAHOWA merkitè aku, tennah bak pendokkenNa dakdak ngo i dilahku.

³Dèbata si Jakob enggo mendokken rana; tabaku simengondingi Israel mendokken kata: “Raja simemerèntah rayat merkitè keadilen, iuluken ngo asa patuh taba JAHOWA.

⁴Bagè cuhaya mataniari siceggen ngo ia tikan leggo ari, bagè tupung takuak manuk tikanna harhar langit i bagè cuhaya mataniari tumulih ngo ia tikan leggo kessa udan memaing karina suan-suaen meratah merandal idahen.”

⁵Bagi ma ngo pinemparku ipasu-pasu Dèbata, bagah-bagahNa bangku oda mobah-obah, hot ngo bagah-bagahNa i soh mi sidekkah-dekkahna janah suntuk, meratur ngo i karinana. Ijamin Dèbata ngo kemenangenku janah iuèi karina sura-surangku.

⁶Tapi jelma siso menguèi JAHOWA, tosè ngo i bagè dori sinipatakken oda uè kalak memaing i jèmakenna;

⁷isè poda uè menggeritsa kum oda merkitè kayu barang bessi waja tumpat mo kalak i i api narakka.

⁸En mo gerar perwira si Daud sitermurmurna: Perlebbè imo si Ishbaal kalak Hakhmoni, imo simenguluken “Nuhnuhen si Tellu”. Nung ngo kalak i mengalo ualuh ratus kalak mergeraha janah ipatèken ngo kalak i karina merkitè kujurna.

⁹Peduaken ipas sitellupuluh kalak i nai imo si Eleazar anak si Dodo kalak Ahohi. Rebbak ngo ia dekket si Daud tikan me- ngalo kalak Palistin sienggo mertumpu lako mergeraha. Nam tikan sondar kalak Israel,

¹⁰ukum si Eleazar terrus ngo juhap mengelentem kalak Palistin i sanga ledja kalohon ia. Gabè nggenggeng mo tanganna, sanga maknè terpelepassa pedangna. Tikanna i mo iberèken JAHOWA kemenangen mbellen taba kalak Israel. Nai molih nola mo parangen Israel sienggo sondar ndai juhap mi bekkas si Eleazar, nai ipupusi kalak i mo baju pertahanen i bangkè-bangkè simergamparen i sidi.

¹¹Sipetelluken nola, imo si Sama anak si Age i Harari nai. Pennah ngo tikan merpulung kalak Palistin i Lehi, i juma dom katcang mbara, mperrus parangen Israel bai kalak Palistin i nai.

¹²Tapi ukum si Sama dak tong ngo juhap, memunuh janah menaluken kalak Palistin, gabè ndorok ipertahanken kalak i juma i. Bagi mo iberèken JAHOWA kemenangen mbellen.

¹³Tikan mendapetken mosin peranien nola, tellu kalak ipas sitellupuluh kalak èkuten parangen si Daud sitermurmurna masuk mi liang Adulam. Tikanna i i liang i ngo si Daud. Kalak Palistin mertaram i lembeng Refaim, janah sada nuhnuhen bai kalak i nai enggo menaban Betlehem.

¹⁵Nai nteddoh mo si Daud mi lebbuhna i, nina mo, “Nong lèh, ukum lot nemmu merrèken asa kuènum laè i telaga i gembar pèntu pengkeruhen Betlehem i nai!”

¹⁶Mendengkoh i sitellu kalak èkuten parangen i, ijuljulken kalak i mo mi perundung-undungen kalak Palistin i, nai itakui mo laè i telaga i nai, nai iembah kalak i mo taba si Daud. Tapi oda ngo uè si Daud mengènum, tapi gabè iorèken nola ngo mahan pèlèen bai JAHOWA.

¹⁷Nina mo, “Alè JAHOWA oda uè aku mengènum laè èn. Mula kuènum i, tosè bagè mengènum daroh kalak sienggo menggiaken kessahna.” Nai laju ngo oda uè si Daud mengènum laè i. Bagi mo mborina sitellu kalak lubalang mahantu i.

¹⁸Sitellupuluh lubalang sitermurmur i igarari ma ngo “Pakalima Sitellupuluh”. Si Abisai anggi si Joab anak si Zeruya ngo pengulu kalak i. Nung ngo ipatèken tellu ratus kalak merkitè kujurna. Kumarna i ngo asa termurmur ia. Tapi oda mèter bagè “Pakalima Sitellu” i dèng ma ia.

²⁰Lot dèng ma sada kalak lubalang termurmur ma mergerar si Benaya anak si Joyada kalak Kabzeel. Berani kalohon ngo ia. Dua kalak lubalang mbellen i Moab nai enggo ibunuh. Nung tikan sidari roh baho, masuk ia mi bagasen liang, nai ibunuh mo sada singa i si.

²¹Nung ma ngo ibunuh sada kalak Mesir mahantu mersenjataken kujur, keppè si Benaya mengalosa pellin tongket ngo senjatana. Irampasi mo kujur ni tangan kalak Mesir i, janah i mo ibaing memunuh kalak Mesir i.

²²Idi mo jasa si Benaya, sada kalak ipas “Pakalima sitellupuluh”.

²³Ibas nuhnuhen i si Benaya ngo sitermurmurna, tapi oda ma pella bagè “Pakalima sitellu perdalikan i.” Ipebangkit si Daud ngo ia gabè èkuten pertaramna.

²⁴Kalakna sidèban ibas “Rombongen Pakalima Sitellupuluh” imo: Si Asael anggi si Joab si Elhanan anak si Dodo kalak Betlehem si Sama anak si Elika kalak Harod si Heles kalak Palti si Ira anak si Ikes kalak Tekoa si Abiezer kalak Anatot si Mebunai kalak Husa si Salmon kalak Ahohi si Maharai kalak Netofa si Heleb anak si Baana kala Netofa si Itai anak si Ribai kalak Gibea i nagerri marga Benjamin nai si Benaya kalak Piraton si Hidai kalak lembeng Gaas si Abialbon kalak Araba si Azmawet kalak Bahurim si Elyahba kalak Saalbon Dukak-dukak si Jasyen si Jonatan si Sama kalak Harari si Ahiam anak si Sarar kalak Harari si Elifelet anak si Ahasbai kalak Maakha si Eliam anak si Ahitofel kalak Gilo si Hezrai kalak Karmel si Paerai kalak Arbi si Jigal anak si Natan kalak Zaba si Bani kalak Gad si Zelek kalak Amon si Naharai ka(...)