Read Batak Dairi 2 Samuel 8 Bible Online

2 Samuel 8 - Batak Dairi bible

2 Samuel 8

¹Daoh-daoh arien nola ijuhap Raja Daud nola mo kalak Palistin. Italuken mo kalak i janah itaban tanohna.

²Italuken si Daud ma ngo kalak Moab. Idokken mo kalak i galè i tanoh, nai ibunuh mo dua-dua kalak i gennep tellu kalak nai. Nai patu mo kalak Moab taba si Daud gabè menggarar persembah bana.

³Nai italuken si Daud ma mo Raja Hadadezer anak si Rehob simemerèntah Ezla, imo sada kerajaen ndessing mi Damaskus. Tikanna i tupung i perdalanen ngo si Hadadezer naing mengolihi kuasana i nagerri ndessing mi takal Laè Efrat.

⁴Itaban si Daud mo 1.700 kalak tenterra merkuda janah 20.000 kalak tenterra perdalan nèhè. Iraon-raon ia mo karina kuda, laènken dèba, pellin bias mi seratus kurèta perang.

⁵Roh mo kalak Siria i Damaskus nai naing mengurupi Raja Hadadezer. Tapi italuken si Daud ngo kalak i. Ipatèken mo duapuluh dua ribu kalak i.

⁶Nai ipajek si Daud mo tangsi tenterra i nagerri kalak i, nai gabè talu mo kalak i janah menggarar persembahen tabasa. Dak mennang ngo si Daud ibaing JAHOWA barang mikè sambing pè ia geraha.

⁷Tambeng-tambeng emmas nipakè tenterra si Hadadezer irampasi si Daud janah iembah mi Jerusalem.

⁸Laènkenna i, ibuat si Daud dèng ma ngo mbuè kalohon suasah i Betah dekket Berotai nai, imo siniperèntah si Hadadezer kin.

⁹Idengkoh Raja Tou i Hamat nai mo enggo italuken si Daud karina tenterra si Hadadezer.

¹⁰Nai iutus mo anakna si Joram lako pesakatken salamna bai si Daud ninganna pesakatken kata njuah-njuah kumerna kemenangenna idi, kumarna enggo nggati si Hadadezer mergeraha dekket si Tou. Roh mo si Joram mendahi si Daud merembah luah mbuè kalohon emmas, pirak dekket suasah.

¹¹Nai ipèlèken si Daud mo karinana i taba JAHOWA lako mahan perkekkas tikan mersembah. Bagi ngo bang harta emmas bak pirak sinitabanna bai si Hadadezer nai dekket bai karina bangsa nitalukenna i nai, imo bangsa Edom, Moab, Amon, Palistin dekket bangsa Amalek.

¹³Nai makin termurmur mo si Daud tikan balik ia enggo kessa ibunuh 18.000 kalak Edom i Napa Sira.

¹⁴Ipajek ma ngo sapo-sapo tenterra i suberri Edom, nai gabè tun- duk mo kalak Edom i tabasa. Dak iberèken JAHOWA ngo kemenangen bai si Daud barang mikè ia geraha.

¹⁵Bagi mo iperèntahken si Daud i suberri Israel janah dak iperdimata ngo karina ginemgemna asa dak tong ibaing adil janah mendè.

¹⁶En mo pengulu-pengulu sinipebangkit si Daud: Pakalima perang imo: Si Joab anak si Zeruya; Penurat i istana imo: Si Josafat anak si Ahilud; Imam-imam imo: Si Zadok anak si Ahitub, dekket si Ahimelekh anak si Abyatar; Sèkretaris nègara imo: Si Seraya.

¹⁸Ekuten pertaramna imo: Si Benaya anak si Joyada. Imam-imam i istana imo: Dukak-dukak si Daud.