Read Batak Dairi 1 Kronika 2 Bible Online

1 Kronika 2 - Batak Dairi bible

1 Kronika 2

¹Lot ngo sipuluh dua kalak anak si Jakob imo: Si Ruben, Simeon, Lewi, Juda, Isasar, Zebulon,

²Dan, Josep, Benjamin, Naptali, Gad, Asyer.

³Lima kalak ngo anak si Juda. Arap sinibagesna simergerar Batsyua berru Kanaan tubuh si Er, si Onan dekket si Sela. Arap sinibagesna simergerar si Tamar purmaènna kalohon, tubuh si Peres dekket si Zerah. Jahat kalohon ngo si Er imo anak si Juda situaen, gabè ibunuh JAHOWA mo ia.

⁴

⁵Dua kalak ngo anak si Peres, imo si Hezron dekket si Hamul.

⁶Lima ngo anak si Zerah imo si Zimri, si Etan, si Heman, si Kalkol dekket si Dara.

⁷Si Akhan anak si Karmi pemparen si Zerah, maing roh tulbang taba ummat Israel kumarna ibuat harta taban-taban sienggo iuras bai Dèbata.

⁸Anak si Etan imo si Azarya.

⁹Tellu ngo anak si Hezron, imo si Jerahmeel, si Ram dekket si Kaleb.

¹⁰Tarombo si Ram soh taba si Isai bagèen ngo: Si Ram si Aminadab si Nahason (sada kalak sitergerar i marga Juda)

¹¹si Salmon si Boas

¹²si Obed si Isai.

¹³Pitu ngo anak si Isai. En mo gerar-gerar kalak i mengèkutken pertubuhna: Si Eliab, si Abinadab, si Simea,

¹⁴si Netaneel, si Radai,

¹⁵si Ozem, si Daud.

¹⁶Lot ma ngo dua berru si Isai, imo si Zeruya dekket si Abigail. Tellu ngo anak si Zeruya, imo si Abisai, si Joab dekket si Asael.

¹⁷Si Abigail sijahè bai si Jeter pemparen si Ismael. Sada ngo anakna mergerar si Amasa.

¹⁸Si Kaleb anak si Hezron kabin dekket si Azuba, janah tubuh sada berruna mergerar si Jeriot. Tellu anak si Jeriot èn, imo si Jeser, si Sobab, si Ardon.

¹⁹Enggo kessa matè si Azuba, merunjuk nola mo si Kaleb ibuat mo kalak Efrat janah menubuhken sada anak mergerar si Hur.

²⁰Anak si Hur mergerar si Uri janah kempuna mergerar si Bezaleel.

²¹Tikan merumur 60 tahun si Hezron, ikabini mo turang si Gilead berru si Makhir. Tubuh mo sada kalak anak laki mergerar si Segub

²²janah lot mo sada kalak anak si Segub mergerar si Jair menggem-nggemi duapuluh tellu kuta i nagerri Gilead.

²³Tapi italuken karajaen Gesur dekket Aram mo 60 kuta i nagerri i, dekket ngo kuta kalak Jair, kuta Kenat bak sosor-sosor sikulilingna. Karina jelma simerian i sidi pemparen si Makhir bapa si Gilead ngo.

²⁴Matè kessa mo si Hezron, ialihken anakna si Kaleb mo si Efrat inangna mengganci i. Anak kalak i mergerar si Assur; ia mo memajek kuta Tekoa.

²⁵Lima ngo anak si Jerahmeel anak situaen si Hezron imo si Ram situaen, nai si Buna, si Oren, si Ozem dekket si Ahia.

²⁶Tellu ngo anak si Ram, imo si Maas, si Jamin dekket si Eker. Lot dèng ngo sinibages si Jerahmeel sidèban mergerar si Atara; anakna mergerar si Onam.

²⁷

²⁸Dua kalak ngo anak si Onam, imo si Samai dekket si Jada. Si Samai pè dua ma ngo anakna imo si Nadab dekket si Abisur.

²⁹Ikabini si Abisur mo si Abihail, janah dua anakna imo si Ahban dekket si Molid.

³⁰Dua kalak ma ngo anak si Nadab kaka si Abisur, mergerar si Seled dekket si Apaim, tapi matè ntalpek ngo si Seled oda lot anakna.

³¹Si Apaim imo bapa si Jisei, si Jisei bapa si Sesan janah si Sesan bapa si Ahlai.

³²Dua ngo anak si Jada anggi si Samai, simergerar si Jeter dekket si Jonatan. Tapi matè ntalpek ngo si Jeter oda lot anakna.

³³Dua ngo anak si Jonatan, imo si Pelet dekket si Zaza. Karina kalak i siniusurken si Jerahmeel ngo.

³⁴Ukum si Sesan oda lot anakna, pellin berruna ngo kessa. Lot mo hambana kalak Mesir mergerar si Jarha,

³⁵nai ipekabin mo i taba sada kalak berruna i. Lot mo anakna mergerar si Atai.

³⁶Tarombo mulai si Atai nai soh taba si Elisama merturut-turut imo: Si Atai, si Natan, si Zabad, si Eflal, si Obed, si Jehu, si Azarya, si Heles, si Elasa, si Sismai, si Salum, si Jekamya, si Elisama.

⁴⁰

⁴²Si Kaleb anggi si Jerahmeel, sada ngo anakna mergerar si Mesa. Situaen ngo ia. Si Mesa imo bapa si Zif, si Zif imo bapa si Maresa, si Maresa imo bapa si Hebron.

⁴³Empat ngo anak si Hebron, imo si Korah, si Tapuah, si Rekem dekket si Sema.

⁴⁴Si Sema imo bapa si Raham. Kempu si Sema mergerar si Jorkeam. Si Rekem kaka si Sema, imo bapa si Samai,

⁴⁵si Samai imo bapa si Maon janah si Maon bapa si Bet-Zur.

⁴⁶Lot ngo siterbuang si Kaleb mergerar si Efa. Tellu ngo anakna i si nai mergerar si Haran, si Moza dekket si Gazes. Si Haran pè lot ngo anakna mergerar si Gazes. (

⁴⁷Lot mo sada kalak mergerar si Johdai, ennem ngo anakna: imo si Regem, si Jotam, si Gezan, si Pelet, si Efa dekket si Saaf.)

⁴⁸Lot dèng ma ngo siterbuang si Kaleb sidèban mergerar si Maakha. Lot ngo anak si Kaleb i si nai dua kalak mergerar si Seber dekket si Tirhana;

⁴⁹nai tubuh nola mo anakna dua nai mergerar si Saaf dekket si Sewa. Si Saaf mo menembuk kuta Madmana, janah si Sewa menembuk kuta Makhbena dekket Gibea. Lot ngo sada berru si Kaleb mergerar si Akhsa.

⁵⁰En pè pemparen si Kaleb ma ngo: Si Hur mo situaen anak si Kaleb arap sinibagesna si Efrat. Si Syobal anak si Hur simenembuk kuta Kiryat-Jearim.

⁵¹Si Salma mo anakna peduaken simenembuk kuta Betlehem, dekket si Haref sipetelluken simenembuk kuta Bet-Gader.

⁵²Si Syobal simenembuk kuta Kiryat-Jearim mo empung kalak Haroë, empung sitengah kalak pengisi Menuhot,

⁵³dekket empung kalak horong-horong simerian i Kiryat-Jearim, imo horong Jetri, Puti, Sumati dekket Misrai. (Pengisi kuta Zora dekket Esytaol asalna imo ibas horong-horong i nai.)

⁵⁴Si Salma simenembuk kuta Betlehem, imo empung kalak Netofa, empung kalak Atarot-Bet-Joab dekket kalak Zori, imo sada ipas horong simerian i Manahti.

⁵⁵Ipas horong Tirati, Simati dekket Sukati simerian i kuta Jabes lot ngo kalak i sipandè menurat dekket menalin surat-surat penting. Kalak Keni ngo kalak i, merunjuk mendahi kalak Rekab.