Read Batak Dairi 1 Kronika 25 Bible Online

1 Kronika 25 - Batak Dairi bible

1 Kronika 25

¹Lako menguluken ulaen acara perpulungen mersembah ipilih Raja Daud dekket kalak Lewi mo horong Lewi èn; si Asap, si Heman, dekket si Jedutun. Lako pesakatken tennah Dèbata idokken ngo kalak i meroning-oning kucapi, gendang dekket gung. Lako menguluken persembahen dekket acarana gennep ipilih mo nuhnuhen bagèèn:

²Anak si Asap siempat i, imo si Zakur, si Josep, si Netanya dekket si Asarela. Si Asap mo meguluken kalak i, sipesakatken tennah Dèbata, mula idokken raja i.

³Anak si Jedutun si ennem i, imo si Gedalya, si Zeri, si Jesaya, si Simei, si Hasabya dekket si Matica. Siniuluken bapa kalak i, ipesakat kalak i mo tennah bai Dèbata nai ninganna mersora kucapi, janah ninganna mengendèken endè pemojien bak kata lias atè bai JAHOWA.

⁴Anak si Heman sipuluh empat kalak i, imo si Bukia, si Matanya, si Uziel, si Sebuel, si Jerimot, si Hananya, si Hanani, si Eliata, si Gidalti, si Romamti-Ezer, si Josbekasa, si Maloti, si Hotir dekket si Mahaziot.

⁵Ukum si Heman nabi raja ngo ia. Iberèken JAHOWA ngo anak sipuluh empat kalak dekket tellu berru bai si Heman kumarna enggo merbagah-bagah kin JAHOWA memerèken bekkas mersangap tabasa.

⁶Karina anak si Heman i memalu gung, merkucapi dekket mergendang iuluken bapana tikan lot kessa acara perpulungen mersembah i Bages JAHOWA. Raja ngo menentuken ulaen sibahaenken si Asap, si Jedutun dekket si Haman.

⁷Anak kalak i siduapuluh empat kalak i dekket kakaanggi kalak i, kalak pandè mergotci bak meroning-oning ngo. Lot ngo 288 kalak buè kalak i.

⁸Lako menentuken gèlèrenna, mertendung ngo kalak i karina kasi pè poso dèng bang pè enggo tua-tua, bang sienggo merpengalamen bang pè i dèng mulai merguru.

⁹Ibagi duapuluh empat ngo si 288 kalak i mengèkutken horongna gennep. Gennep horong lot ngo 12 kalak iuluken sada kalak. En mo gerar-gerar kalak i mengèkutken tendung: 1. Si Josep i horong si Asaf nai — 13. Si Subael 2. Si Gedalya — 14. Si Matica 3. Si Zakur — 15. Si Jeremot 4. Si Jizri — 16. Si Hananya 5. Si Netanya — 17. Si Josbekasa 6. Si Bukia — 18. Si Hanani 7. Si Jesarela — 19. Si Maloti 8. Si Jesaya — 20. Si Eliata 9. Si Matanya — 21. Si Hotir 10. Si Simei — 22. Si Gidalti 11. Si Azareel — 23. Si Mahaziot 12. Si Hasabya — 24. Si Romamti-Ezer