Read Batak Dairi 1 Kronika 7 Bible Online

1 Kronika 7 - Batak Dairi bible

1 Kronika 7

¹Empat ngo anak si Isasar imo: Si Tola, si Pua, si Jasub dekket si Simron.

²Si Tola 6 anakna imo: Si Uzi, si Refaya, si Jeriel, si Jahmai, si Jibsam dekket si Samuel. Kalak i mo èkuten horong kalak Tola janah termurmur ngo kelubalangenna. I tikki Raja Daud buè pemparen kalak i 22.600 kalak.

³Lot ngo sada anak si Uzi mergerar si Jiz- rahya. Ekuten horong si si Jizrahya dekket anakna siempat kalak i, imo: Si Mikhael, si Obaja, si Joel dekket si Jisia.

⁴Nterrem ngo sinibages dekket dukak-dukak kalak i, nai terpepada kalak i ngo 36.000 kalak daholi ibaing gabè tenterra.

⁵Mengèkutken gerar sitersurat karina kalak Isasar lot ngo 87.000 kalak daholi sindorok gabè soridadu.

⁶Tellu ngo anak si Benjamin, imo si Bela, si Bekher dekket si Jediael.

⁷Si Bela lima anakna imo: Si Ezbon, si Uzi, si Uziel, si Jerimot dekket si Iri. Kalak i ngo èkuten horong ibas horong kalak i janah termurmur ngo kelubalangenna. Ibas sitersurat gerar pemparen kalak i buèna 22.034 kalak daholi sindorok gabè soridadu.

⁸Si Bekher 9 anakna, imo si Zemira, si Joas, si Eliezer, si Elyoënai, si Omri, si Jeremot, si Abia, si Anatot dekket si Alemet.

⁹Kalak èn ngo èkuten ibas horong kalak i. Mengèkutken gerar sitersurat, karina ibas pemparen kalak i nai lot ngo 20.200 kalak daholi sindorok gabè soridadu.

¹⁰Si Jediael sada ngo anakna mergerar si Bilhan. Pitu anak si Bilhan, imo si Jeus, si Benjamin, si Ehud, si Kenaana, si Zetan, si Tarsis dekket si Ahisahar.

¹¹Kalak èn mo èkuten ibas horong kalak i janah termurmur ngo kelubalangenna. Ipas gerar-gerar sitersurat lot ngo kalak i 17.200 kalak daholi sindorok gabè soridadu.

¹²Si Supim dekket si Hupim pemparen si Ir ngo. Si Husim anak si Dan ngo.

¹³Empat ngo anak si Naptali imo: Si Jahziel, si Guni, si Jezer dekket si Salum. Kempu si Bilha ngo kalak i.

¹⁴Anak si Manasye arap siterbuangna berru Aram lot ngo dua kalak, imo si Asriel dekket si Makhir. Anak si Makhir imo si Gilead.

¹⁵Nai iririt si Makhir mo daberru mahan sinibages si Hupim dekket si Supim. Gerar sinibages si Makhir imo si Maakha. Anak si Makhir sipeduaken imo si Zelafead. Ukum si Zelafead oda lot anakna, pellin berruna ngo kessa lot.

¹⁶Dua ngo anak itubuhken si Maakha sinibages si Makhir, ibaing mo gerarna si Peres dekket si Seres. Dua ngo anak si Peres mergerar si Ulam dekket si Rekem.

¹⁷Si Ulam sada ngo anakna mergerar si Bedan. Idi mo pemparen si Gilead anak si Makhir, kempu si Manasye.

¹⁸Turang si Gilead simergerar si Molekhet, lot ngo tellu anakna, imo si Isyhod, si Abiezer dekket si Makhla.

¹⁹Empat ngo anak si Semida imo: Si Ahyan, si Sekhem, si Likhi dekket si Aniam.

²⁰Si Efraim tellu ngo anakna imo: Si Sutelah, si Ezer, dekket si Elad. Tarombo pemparen si Efraim merkitè si Sutelah imo si Bered, si Tahat, si Elada, si Tahat, si Zabad, si Sutelah, si Ezer dekket si Elad. Si Ezer dekket si Elad terbunuh, tikan naing menangko pinakan pengisi asli nagerri Gad kalak idi.

²²Merhendem ngo bapa kalak i tah piga ari dekkahna, gabè merohen mo dengan sibeltekna mengapoisa.

²³Nai campur nola mo si Efraim dekket sinibagesna, nai mbadan mo daberru i, janah itubuhken mo sada anak. Ibaing si Efraim mo gerar anak i si Beria, kemulihken sindanggel sisempa taba kalak idi.

²⁴Lot ngo sada berru si Efraim mergerar si Seera. Ia ngo menembuk kuta Bet-Horon Jèhè dekket Bet-Horon Julu dekket kuta Uza bak Seera.

²⁵Lot dèng ma ngo sada kalak nai anak si Efraim, si Refah gerarna. En mo tarombo pemparen si Refah: Si Resef, si Telah, si Tahan,

²⁶si Ladan, si Amihud, si Elisama,

²⁷si Nun, si Josua.

²⁸Ladang mahan bekkas kalak i iberèken mo i Betel nai soh mi Naaran kan kebincaren, dekket Gezer kan kesunduten dekket karina sosor i sikuliling kuta i. I suak i enggo dekket kuta Sikhem dekket Aya, bak sosor sikulilingna.

²⁹Pemparen si Manasye ngo merkuasa i kuta Bet-Sean, Taanakh, Megido, Dor dekket i sikulilingna. Idi mo karina ladang bekkas pinempar si Josep anak si Jakob.

³⁰Enda nola mo pemparen si Asyer. Empat ngo anakna imo: Si Jimna, si Jiswa, si Jiswi, si Beria dekket sada berruna mergerar si Serah.

³¹Si Beria dua ngo anakna imo: Si Heber, dekket si Malkiel simenembuk kuta Birzait.

³²Si Heber tellu anakna, imo si Jaflet, si Somer, si Hotam, dekket sada berruna mergerar si Sua.

³³Si Jaflet pè tellu ma ngo anakna imo: Si Pasakh, si Bimhab dekket si Asywat.

³⁴Si Somer anggi si Jaflet empat anakna imo: Si Ahi, si Rohga, si Jehuda dekket si Aram.

³⁵Si Hotam anggi si Jaflet sisada nai, empat anakna, imo si Zofah, si Jimna, si Seles dekket si Amal.

³⁶Pemparen si Sofah, imo si Suah, si Harnefer, si Syual, si Beri, si Jimra,

³⁷si Bezer, si Hod, si Sama, si Silsa, si Jitran, dekket si Beera.

³⁸Pemparen si Jeter imo: Si Jefune, si Pispa dekket si Ara.

³⁹Pemparen si Ula imo si Arah, si Haniel dekket si Rizya.

⁴⁰Idi mo pemparen si Asyer. Karina kalak i èkuten horong janah termurmur ngo kalak i lubalang janah pengulu mbellen. Ipas gerar-gerar pemparen si Asyer lot ngo 26.000 kalak daholi sindorok gabè soridadu.