Read Batak Dairi 1 Kronika 9 Bible Online

1 Kronika 9 - Batak Dairi bible

1 Kronika 9

¹Karinana ngo kalak Israel tersurat gerarna mengèkutken horong-horongna gennep. Gerar-gerar i tersurat ngo ibas bukku Raja-raja Israel. Hukum taba kalak Juda kumarna dosa-dosa kalak i, iangkut ngo kalak i mi buangen.

²Bai kalak i nai siperlebbè balik mi tanoh milikna kin, imo kalak jelma keteremmen, imam-imam, kalak Lewi dekket pengendeng i Bages JAHOWA.

³Dèba i marga Juda, Benja- min, Efraim dekket Manasye nai balik ngo janah merian i Jerusalem.

⁴Lot ngo 690 jabu i marga Juda nai merian i Jerusalem, termasuk pemparen dukak-dukak si Juda simergerar si Peres, si Syela dekket si Zerah. Pemparen si Peres iuluken si Utai. Tarombo si Utai i terruh nai mi babo imo, si Utai, si Amihud, si Omri, si Imri dekket si Bani. Pemparen si Syela iuluken si Asaya. Ia ngo èkuten horong. Pemparen si Zerah iuluken si Jeuel.

⁷Kalak marga Benjamin simerian i Jerusalem lot ngo 956 jabu. Ekuten kalak i imo: Si Salu anak si Mesulam kempu-kempu si Hodawya, kempuntè si Hosenua Si Jibnia anak si Jeroham Si Ela anak si Uzi, kempu si Mikhri Si Mesulam anak si Sefaca, kempu si Rehuel, kempuntè si Jibnia.

¹⁰Imam-imam èn imo simerian i Je- rusalem: Si Jedaya, si Joyarib dekket si Jakhin Si Azarya anak si Hilkia, empungna imo si Mesulam, si Zadok, si Merayot dekket si Ahitub. (Si Azarya imo èkuten pengendeng i Bages JAHOWA.) Si Adaya anak si Jeroham, empungna imo si Pasyhur dekket si Malkia. Si Masai anak si Adiel, empungna imo si Jahzera, si Mesulam, si Mesilemit, si Imer.

¹³Imam-imam sigabè èkuten horong, lot ngo buèna 1.760 kalak. Pandè kalohon ngo kalak i mengulaken karina matcam bagè ulaen i Bages JAHOWA.

¹⁴Kalak Lewi simerian i Jerusalem imo: Si Semaya anak si Hasub; empungna imo si Azrikam dekket si Hasabya horong si Merari Si Bakbakar, si Heres dekket si Galal Si Matanya anak si Mika, empungna si Zikhri dekket si Asaf Si Obaja anak si Semaya, empungna imo si Galal dekket si Jedutun Si Berekhya anak si Asa, kempu si Elkana, ia merian i kuta Netofa.

¹⁷Pertaram Bages JAHOWA simerian i Jerusalem rebbak dekket dukak-dukakna imo: Si Akub, si Talmon, si Ahiman, dekket si Salum èkuten pertaram.

¹⁸Soh ari sidari èn horong kalak i ngo ibaing menjaga Pèntu Pengkeruhen Raja kan kebincaren. Ukum dekah ari, menjaga pèntu pengkeruhen menghuju mi undung-undung kalak Lewi kin ngo kalak i.

¹⁹Sinitugasken menjaga pèntu mbengket mi Undung-undung JAHOWA imo si Salum dekket sisada horong dekketsa, imo horong si Korah. (Si Salum imo anak si Kore, kempu si Ebyasaf). Tikala i kin pè i ngo ulaen empung kalak i, sinderrang mengula kalak i i undung-undung JAHOWA.

²⁰Katerra pè idengani JAHOWA mo — si Pinehas anak si Eleazar — sinung èkuten kalak i.

²¹Si Zakharia anak si Meselemya pè pertaram pèntu pengkeruhen Undung-undung JAHOWA ngo.

²²Karina jelma sinipilih mertaram i pèntu pengkeruhen lot ngo 212 kalak. Isurat ngo gerar-gerar kalak i mengèkutken kutana gennep. Si Daud dekket Nabi Samuel ngo memerèken ulaen i taba empung kalak i.

²³Mulai i sidi nai mo kalak i soh mi pemparenna dakdak gabè pertaram pèntu pengkeruhen Bages JAHOWA.

²⁴Lot ngo empat pèntu, imo sada i utara, sada i selatan, sada kan kebincaren janah sada nai kan kesunduten. I gennep pèntu ibaing ngo lot sada kalak gabè èkuten pertaram.

²⁵Kaka-anggi kalak i sitadingna i kuta i pè, mengurupi kalak i ngo peganci-ganci — sekali seminggu dekkahna.

²⁶Tapi ukum èkuten pertaram i menerrus ngo. Tanggung jabab kalak i ngo karina bilik i Bages JAHOWA dekket harta sinipennep i si.

²⁷Merian i gembar Bages JAHOWA ngo kalak i, kumarna kennah ijaga kalak i ngo bages i janah memuka pèntu pengkeruhenna gennep nceggen.

²⁸Dèba kalak Lewi sidèbanna i mertanggung jabab tersèngèt perkekkas sipakkèen lako mersembah. Kalak i ngo memilangi tikala ipedarat dekket tikan mengulaken.

²⁹Dèba simertanggung jabab tersèngèt haliu sipakèen lako mersembah dekket topong, anggur, minak Zaitun, kemènjen dekket rempah-rempah.

³⁰Tapi ukum lako mencampur imam-imam ngo.

³¹Simemahan pèlèen sinipanggang sada kalak Lewi mergerar si Matica ngo, anak situaen si Salum ibas horong si Korah nai.

³²Ukum horong si Kehat memahan roti hantaren bai JAHOWA ngo gennep ari Sabat.

³³Dèba nai kalak Lewi sidèban i gabè perendè i Bages JAHOWA ngo. Ekuten horong kalak i merian i piga-piga sapo i Bages JAHOWA. Oda ngo lot ulaen kalak i sidèban, kumerna mahar ari berngin ngo mengula kalak i.

³⁴Karina kalak i sinigegolen i dates i imo èkuten i horong Lewi mengèkutken garis keturunen kalak i. Kalak i mo pengulu-pengulu simerian i Jerusalem.

³⁵Si Jeiel menembuk kuta Gibeon, nai merian i si mo ia. Sinibagesna mergerar si Maakha,

³⁶janah anakna situaen mergerar si Abdon; sidèbanna mergerar si Zur, si Kis, si Baal, si Ner, si Nadab,

³⁷si Gedor, si Ahyo, si Zakharia dekket si Miklot,

³⁸bapa si Simea. Pemparen kalak i merian i Jerusalem rebbak dekket kaka-anggina sisada kaum dekket kalak i.

³⁹Bapa Raja Saul imo si Kis, empungna mergerar si Ner. Si Saul empat anakna, imo si Jonatan, si Malkisua, si Abinadab dekket si Esybaal.

⁴⁰Anak si Jonatan mergerar si Meribaal bapa si Mika.

⁴¹Si Mika empat anakna, imo si Piton, si Melekh, si Tahrea, dekket si Ahas.

⁴²Anak si Ahas simergerar si Joada, tellu anakna, imo si Alemet, si Azmawet dekket si Zimri. Tarombo pemparen si Zimri imo si Moza:

⁴³si Bina, si Rafa, si Elasa, dekket si Azel.

⁴⁴Si Azel 6 anakna, imo si Azrikam, si Bokhru, si Ismael, si Searya, si Obaja dekket si Hanan.