Read Batak Dairi 2 Kronika 4 Bible Online

2 Kronika 4 - Batak Dairi bible

2 Kronika 4

¹Idokken Raja Salomo ngo asa ibahan sada langgaten tembaga, hunjurna 9 m, janah bekkangna 4,5 m.

²Ibahan ma ngo sada kancah tembaga janah cengko, bagesna 2,2 mèter, garis tengahna 4,4 mèter janah kulilingna 13,2 mèter.

³Sikuliling bidingna kan ruar iokirken ngo dua mbaris gombaren lembu.

⁴Iampèken ngo kancah i i babo gurung dua belas lembu tembaga — tellu mendempakken mi utara, tellu mi selatan, tellu mi kesunduten dekket tellu mi kebincaren.

⁵Ngkapal kancah i 75 millimèter. Bibir kancah i tosè mi bibir mangkuk ncuat mi ruar bagè bunga pancur ngkèrbang. Siat-siat 60.000 sellup ngo kancah i.

⁶Ibahan Raja Salomo ma ngo 10 sambung mbelgah, lima ibaing kan selatan Bages JAHOWA i, janah lima nai kan utara. Guna sambung i imo bekkas memorihi jukut sienggo ilapah sinaing itutung mahan pèlèen. Ukum laè i kancah i ipèmaken bai imam-imam lako pepantingken dirina.

⁷Ibahan ma ngo 10 nèhè togok ipas emmas nai mengèkutken gambar sienggo ibahan kin, dekket 10 mèja. Karina nèhè togok bak mèja i ibaing ngo mi bilik utama Bages JAHOWA i — gennep terlima i kacimbang lambung. Ibahan ma ngo 100 mangkuk emmas.

⁹Ibahan Raja Salomo ma ngo kan bagessen sada bekkas perbekkasen imam janah sada kan ruar. Tutup pèntu mi sidua perkebbasen i ilampis ngo dekket tembaga.

¹⁰Ukum kancah i ibaing ngo kan soki tenggara Bages JAHOWA i.

¹¹Si Huram èkuten peneppa i meneppa saruam-saruam, telam-telam dekket mangkuk-mangkuk. Nai pul mo ibahan karina perlengkapen Bages JAHOWA i tosè bagè jandina taba Raja Salomo. En mo perlengkapen sienggo nibahanna i: Dua binangun mbellen Dua takal binangun merumangken mangkuk ibaing mi babo binangun si dua i Binayu rantè gennep takal tihang i 400 ndalima tembaga isusun dua mbaris i sikuliling binayu rantè i gennep takal binangun i 10 kurèta 10 sambung-sambung mbellang Kancah tembaga 12 lembu tembaga menongkel kancah i Saruam-saruam, tellam-tellam dekket garpu-garpu Karinana perlengkapen i iteppa si Huram lako mi Bages JAHOWA i, ipas tembaga nai ngo iteppa janah ipellas asa merkillong. Iteppa si Huram ngo i tosè mi perèntah Raja Salomo.

¹⁷Idokken raja i ngo iteppa barang-barang i i perpandèen i kellang-kellang Sukot dekket Zereda i Lembeng Jordan.

¹⁸Kumarna bagidi buèna barang-barang i, gabè sada kalak poda bettoh-bettohen piga kilo mo tembaga sinipakè mi si.

¹⁹Idokken Raja Salomo ma ngo iteppa perkekkas sidèban ipas emmas nai lako mi Bages JAHOWA i. En mo perkekkas-perkekkas sinibahanna i: Langgaten Meja bekkas hantaren roti Karina nèhè togok dekket togokna ibas emmas ntua nai mahan lakaten i lebbè Bilik Simbadia Kalohon, tosè bagè rencana Gombaren merbentuk bunga Lampu-lampu Gatcip-gatcip Perkekkas pepantingken das lampu Mangkuk-mangkuk Tapak-tapak perdahupaen Pahar-pahar bekkas rara Karinana pèntu mbengket mi Bages JAHOWA dekket pèntu Bilik Simbadia Kalohon ilampis ngo dekket emmas.