Read Batak Dairi Esra 2 Bible Online

Esra 2 - Batak Dairi bible

Esra 2

¹Nterrem ngo ipas kalak sibuangen idi nai menadingken tanoh Babel gabè balik mi Jerusalem dekket mi Juda, gennep mersiteppet lebbuhna. Nggelluh i buangen Babel ngo kalak i kessa nai kin itaban Raja Nebukadnezar mi si.

²Ekuten kalak i imo si Zerubabel, si Jesua, si Nehemia, si Seraya, si Reelaya, si Mordekhai, si Bilsan, si Mispar, si Bigwai, si Rehum, dekket si Baana. Enda mo gerar-gerar merhorong kalak Israel dekket buè kalakna i gennep kaum nai sibalik i buangen nai:

³Horong kaum si Paros — — 2.172 Sefaca — — 372 Arah — — 775 Pahat-Moab (pemparen si Josua dekket si Joab) — — 2.812 Elam — — 1.254 Zatu — — 945 Zakai — — 760 Bani — — 642 Bebai — — 623 Azgad — — 1.222 Adonikam — — 666 Bigwai — — 2.056 Adin — — 454 Ater (igerari ma ngo si Hizkia) — — 98 Bezai — — 323 Jora — — 112 Hasum — — 223 Gibar — — 95

²¹Kalak empungna simerian i gennep kuta ènda pè balik ma ngo i buangen nai: I kuta Betlehem nai — — 123 I kuta Netofa nai — — 56 I kuta Anatot nai — — 128 I kuta Azmawet nai — — 42 I kuta Kiryat-Arim, Kefira dekket Beerot nai — — 743 I kuta Rama dekket Gaba nai — — 621 I kuta Mikhmas nai — — 122 I kuta Betel dekket Ai nai — — 223 I kuta Nebo nai — — 52 I kuta Magbis nai — — 156 I kuta Elam sidèban nai — — 1.254 I kuta Harim nai — — 320 I kuta Lod nai, Hadid dekket Ono nai — — 725 I kuta Jeriko nai — — 345 I kuta Senaa nai — — 3.630

³⁶Enda ma mo gerar-gerar horong imam-imam sibalik i buangen nai: Horong si Jedaya (pemparen si Jesua) — — 973 Horong si Imer — — 1.052 Horong si Pasyhur — — 1.247 Horong si Harim — — 1.017

⁴⁰Horong kaum kalak Lewi sibalik i buangen nai imo: Horong si Jesua dekket si Kadmiel (pemparen si Hodawya) — — 74 Perendè i Bages(pemparen si Asaf) — — 128 Penjaga pengkeruhen i Bages(pemparen si Salum, si Ater, si Talmon, si Akub, si Hatita, dekket si Sobai) — — 139

⁴³Enda mo gerar-gerar horong kaum perkebbas i Bages JAHOWA sibalik i buangen nai: Si Ziha, si Hasufa, si Tabaot, Si Keros, si Siaha, si Padon, Si Lebana, si Hagaba, si Akub, Si Hagab, si Samlai, si Hanan, Si Gidel, si Gahar, si Reaya, Si Rezin, si Nekoda, si Gazam, Si Uza, si Paseah, si Besai, Si Asna, si Meunim, si Nefusim, Si Bakbuk, si Hakufa, si Harhur, Si Bazlut, si Mehida, si Harsa, Si Barkos, si Sisera, si Temah, Si Neziah dekket si Hatifa.

⁵⁵Horong kaum perkebbas si Salomo sibalik i buangen nai imo: Si Sotai, si Soferet, si Peruda, Si Jaala, si Darkon, si Gidel, si Sefaca, si Hatil, si Pokheret, si Hazebaim dekket si Ami.

⁵⁸I horong kaum perkebbas i Bages JAHOWA dekket perkebbas si Salomo sibalik i buangen Babel nai buèna 392 kalak.

⁵⁹Kalak siberkat i kuta Tel-Melah, Tel-Harsa, Kerub, Adan, dekket kuta Imer nai, buèna 652 kalak. Enggo dekket idi horong kaum si Delaya, si Tobia dekket si Nekoda, tapi oda terindangken kalak i magahken pinempar bangsa Israel kalak i.

⁶¹Bagi ma barang piga-piga kalak ho- rong kaum imam, oda lot jupasa surat tersèngèt gerar empung-empung kalak i, imo horong kaum si Habaya, si Hakos dekket si Barzilai (empung horong Barzilai merunjuk bai sada kalak daberru-daberru horong Barzilai i Gilead, nai gabè ipakkè nola mo gerar horong simatuana). Kumarna oda ndorok iindangken kalak i barang isè empung kalak i, gabè oda ijalo kalak i gabè imam.

⁶³Igerra gubèrnur nagerri Judea ngo kalak i kipangan pangaen sinipèlèken bai Dèbata, mèma lot nola sada kalak imam sindorok mengido pemernoi merkitè memakè Urim dekket Tumim.

⁶⁴Karina kalak sinibuang sibalik mi nagerrina buèna 42.360 kalak. Sidèbankenna i balik ma ngo bang pengurupi kalak i buèna 7.337 kalak janah perendè buèna 200 kalak. Kalak i pè iembahi ma ngo pinakanna, imo: Kuda — — 736 Kuda boban — — 245 Unta — — 435 Kalodè — — 6.720

⁶⁸Soh kessa kalak sibuangen idi mi Bages JAHOWA i Jerusalem, barang piga-piga kalak èkuten horong pesakatken pèlèen sitergerrek ibas ukurna nai lako kipejengjeng balik Bages JAHOWA.

⁶⁹Iberèken kalak i ngo penumpakina rembang mi gegohna gennep janah hasilna imo 500 kilo emmas, 2.800 kilo pirak, dekket 100 jubah lako bai imam.

⁷⁰Imam-imam kalak Lewi dekket dèba ibas jelma nterrem nai merian ngo i Jerusalem dekket i kuta sinigembarna. Perendè, pertaram Bages JAHOWA bak pengendeng kalak Israel silebbihna, merian mo i lebbuh empungna kin.