Read Batak Dairi Esra 8 Bible Online

Esra 8 - Batak Dairi bible

Esra 8

¹Enda mo gerar-gerar èkuten horong sienggo ibuang mi Babel janah balik rasken aku, si Esra, mi Jerusalem tikan si Artahsasta memerèntah gabè raja:

²Si Gersom, i horong si Pinehas nai Si Daniel, i horong si Itamar nai Si Hatus anak si Sekhanya, i horong si Daud nai Si Zakharia, i horong Paros nai, rasken dekket 150 anak laki i horongna nai (lot ngo tersurat tersèngèt tarombo kalak i). Si Elyoënai anak si Zerahya, i horong si Pahat-Moab nai, rasken dekket 200 anak laki. Si Sekhanya anak si Jahaziel, i horong si Zatu nai, rasken dekket 300 anak laki Si Ebed anak si Jonatan, i horong si Adin nai, rasken dekket 50 anak laki Si Jesaya anak si Atalya, i horong si Elam nai, rasken dekket 70 anak laki Si Zebaja anak si Mikhael, i horong si Sefaca nai, rasken dekket 80 anak laki Si Obaja anak si Jehiel, ibas horong si Joab nai, rasken dekket 218 anak laki Si Selomit anak si Josifya, i horong si Bani nai, rasken dekket 160 anak laki Si Zakharia anak si Bebai, i horong Bebai nai, rasken dekket 28 anak laki Si Johanan anak si Hakatan, i horong Azgad nai, rasken dekket 110 anak laki Si Elifelet, si (...)

¹⁵Karina nuhnuhen idi kupetumpu i biding laè simarir mi kuta Ahawa, nai merundung-undung mo kami i sidi sidekkah tellu ari. Enggo kessa kuperèso, keppèken lot ngo barang piga-piga kalak imam i tengah-tengah kalak idi, tapi sada kalak poda lot i marga Lewi nai.

¹⁶Nai kudilo mo sibah kalak bai pengulu-pengulu nai, imo: Si Eliezer, si Ariel, si Semaya, si Elnatan, si Jarib, si Elnatan, si Natan, si Zakharia, si Mesulam bagi ma bak dua kalak guru, imo si Joyarib dekket si Elnatan.

¹⁷Nai kupasulak mo kalak i mendahi si Ido, simengerajai i Kasifya, dekket pengidoen asa ipasulak si Ido dekket dengan-denganna perkebbas i Bages JAHOWA, jelma lako merkebbas i Bages JAHOWA.

¹⁸Kumerna selloh ukur Dèbata, ipasulak kalak i mo mendahi kami si Serebya, sada kalak Lewi pandè i horong si Mahli nai. Rasken dekketsa roh ma mo dukak-dukak dekket kaka-anggina, buèna 18 kalak.

¹⁹Si Hasabya dekket si Jesaya i horong Merari nai, dekket duapuluh kalak sincelket kalak i, ipasulak ma ngo mendahi kami.

²⁰Laènkenna i lot dèng ma ngo 220 kalak nai perkebbas Bages JAHOWA sitersurat gerarna. Mulai empung kalak i arnia, enggo itetapken Raja Daud dekket karina simersangap i kerajaen, kalak i ngo dak mengurupi kalak Lewi.

²¹Nai kumongmongken mo i biding Laè Ahawa idi asa kennah merpuasa karina janah pecerrepken ukur i hadeppen Dèbata. Mersodip mo kami asa ibabai Dèbata kami i perdalanen idi, bak ijamoti bang kami, dukak-dukak nami, dekket karina ugasen nami.

²²Alang ngo atèngku mengido soridadu merkuda taba raja i lako menjaga kami meradepken musuh i perdalanen i. Kerna enggo kudokken tabasa, magahken ipasu-pasu Dèbata nami ngo gennep kalak simenguèisa janah nggogo ngo atèNa bak menghukum gennep kalak siso setia baNa.

²³Nai merpuasa mo kami janah mersodip taba Dèbata mengido pengurupien janah iuèi ngo sodip nami.

²⁴Ibas imam sitermurmurna nai kupilih mo 12 kalak, imo: Si Serebya,

²⁵si Hasabya dekket 10 kalak nai. Nai kutimbang mo bai kalak i pirak, emmas dekket perkekkas-perkekkas sienggo niberèken raja, pengetua-pengetuaina bak simersangap dekket karina kalak Israel, mahan pakkèen i Bages JAHOWA. Kusohken mo karina idi bai imam-imam i.

²⁶Enda mo gerar-gerar penumpakiin idi: pirak — — 22 ton 100 perkekkas pirak — — 70 kilo emmas — — 3.400 kilo 20 mangkuk emmas — — 8,4 kilo 2 perènumen tembaga merandal kalohon, dos mahargana dekket perènumen emmas.

²⁸Nai kudokken mo taba imam-imam idi, “Enggo ngo ikelini kènè bai JAHOWA, Dèbata sinisembah empungta, bagidi ma karina perkekkas pirak dekket emmas sini berrèken bai JAHOWA, ikelini ma ngo i lako bai JAHOWA.

²⁹Jamotken kènè mo karina ugasen idi selloh mèma soh kènè i Bages JAHOWA. Enggo kessa soh kènè mi sidi, kennah mo timbang kènè ugasen idi, janah sohken taba imam-imam huntuen dekket simenguluken kalak Lewi, bak karina simenguluken kalak Israel i Jerusalem.”

³⁰Nai ijalo imam-imam dekket kalak Lewi mo pirak, emmas dekket perkekkas-perkekkas idi mahan embahen mi Bages JAHOWA i Jerusalem.

³¹I ari sipuluh dua bulan perlebbè kutadingken kami mo Laè Ahawa janah berkat mi Jerusalem. Ibas perdalanen idi ijamotken Dèbata ngo kami tarap penjuhapen bak pengambat musuh nai.

³²Soh kessa mi Jerusalem, kom mo kami tellu ari dekkahna.

³³Nai i ari peempatken laus mo kami mi Bages JAHOWA, nai kutimbang kami mo pirak, emmas dekket perkekkas-perkekkas idi. Enggo kessa i kuberèken kami mo taba Imam Meremot anak si Uri isaksiken si Eleazar anak si Pinehas dekket dua kalak Lewi, imo si Jozabad anak si Jesua dekket si Noaja anak si Binui.

³⁴Ikèrah ngo karina ugasen i janah itimbang, ninganna isurat karina.

³⁵Arinkenna i ma karina jelma sienggo balik kan buangen idi nai, memèlèken pèlèen situtungen bai Dèbata Israel. Ipèlèken kalak i ngo 12 lembu tonggal lako bai karina Israel, 96 biri-biri tonggal dekket 77 anak biri-biri; laènkenna i dèng 12 kambing mahan pèlèen kesasaen dosa kalak i sendiri. Karina pinakan idi itutung mo sikira pèlèen bai JAHOWA.

³⁶Nai surat-surat maharga siniberèken raja bai kalak i pè, iberèken mo bai gubèrnur bak perpangkat propinsi Efrat Kesunduten. Nai iberèken perpangkat idi mo penumpakna bai ginemgem asa terbaing kalak i totop merkebbas i Bages JAHOWA.