Read Batak Dairi Nehemia 10 Bible Online

Nehemia 10 - Batak Dairi bible

Nehemia 10

¹Perlebbè menèkkèn imo Gubèrnur Nehemia anak si Hakhalya. Nai nola si Zedekia. Enggo kessa i nola ènda mo menèkkèn: copyImam-imam

²Si Seraya, Azarya, Jeremia, si Pasyhur, si Amarya, si Malkia, si Hatus, si Sebanya, si Malukh, si Harim, si Meremot, si Obaja, si Daniel, si Gineton, si Barukh, si Mesulam, si Abia, si Miyamin, si Maazya, si Bilgai dekket si Semaya. copyKalak Lewi

⁹Si Jesua anak si Azanya, si Binui pinempar kaum Henadad, si Kadmiel, si Sebanya, si Hodia, si Kelita, si Pelaya, si Hanan, si Mika, si Rehob, si Hasabya, si Zakur, si Serebya, si Sebanya, si Hodia, si Bani, dekket si Beninu. Pengulu-pengulu bangsa

¹⁴Si Paros, si Pahot-Moab, si Elam, si Zatu, si Bani, si Buni, si Azgad, si Bebai, si Adonia, si Bigwai, si Adin, si Ater, si Hizkia, si Azur, si Hodia, si Hasum, si Bezai, si Harif, si Anatot, si Nebai, si Magpias, si Mesulam, si Hezir, si Mesezabeel, si Zadok, si Jadua, si Pelaca, si Hanan, si Anaya, si Hosea, si Hananya, si Hasub, si Halohes, si Pilha, si Sobek, si Rewhum, si Hasabna, si Maaseya, si Ahia, si Hanan, si Anan, si Malukh, si Harim dekket si Baana.

²⁸Kami, ginemgem Israel, imam-imam, kalak Lewi, perjaga pèntu pengkeruhen Bages JAHOWA, karina pergotci dekket perkebbas i Bages JAHOWA, bang pè sinibages dekket dukak-dukak nami sienggo merukur lako mengantusi bagi dekket karina kalak simerpenguèi mi Patiin Dèbata janah sienggo menirang dirina bai kalak sidèban nai simerian i nagerri nami.

²⁹Karina ngo kami pedemuken diri nami bai simenguluken kami janah merpadan lako mengèkutken Patiin Dèbata sienggo niberèkenNa merkitè si Musa, naposoNa i. Katerra pè kenna sumpah Dèbata mo kami mula oda kutuhui kami padan ènda. Mersumpah ngo kami lako menguèi nasa perèntah, patiin dekket hatoren JAHOWA, Dèbata nami.

³⁰Kusumpahken kami mo, oda uè kami mersibuaten berru dekket bangsa-bangsa sidèban simerian i nagerri nami.

³¹Tah lot bangsa sidèban sinaing merdèa pagè barang tah kadè sambing pè taba kami tupung ari Sabat barang tupung ari mbellen sidèbanna i, oda kutokor kami i. Gennep i tahun pepituken, oda kuula kami juma nami janah oda kutunggu kami ido.

³²Gennep tahun kennah gennep kami memerèken lima gram pirak mahan peremasen i Bages JAHOWA.

³³Kupèmaken kami mo keperluen perpulungen i Bages JAHOWA, imo roti hantaren, pèlèen gandum sigennep ari, pèlèen simbadia sidèbanna, pèlèen kesasaen dosa Israel, dekket karina siniperluken i Bages JAHOWA.

³⁴Kami ginemgem, imam-imam dekket kalak Lewi, mertendung mo gennep tahun lako menentuken barang horong apaina sikennah pepadaken sebban mi keperluen pèlèen sisembahenken bai JAHOWA Dèbata nami, mengèkutken hatoren Patiin.

³⁵Gennep tahun kutaruhken kami mo mi Bages JAHOWA buah pagè sikuametti kami dekket buah kayu siperlebbè ntasak ipas suan-suanen nami nai.

³⁶Kuembah kami mo anak buka baju nami mendahi imam i Bages JAHOWA lako menohkensa bai Dèbata, rembang mi hatoren Patiin. Berèenken nami ma ngo anak lembu, anak biri- biri barang anak kambing nami mula-mula.

³⁷Kutaruhken kami ma ngo taba imam-imam i Bages JAHOWA, nditak kinupulen ipas berras siniametten nami nai gennep tahun, bagi ma pèlèen-pèlèen sidèban merrumangken anggur, minak zaitun dekket matcam bagè buah kayu. Pèlèen nipersipuluh pè ibas hasil juma nami nai kutaruhken kami mo taba kalak Lewi sipepulungken pèlèen-pèlèen nipersipuluh i gennep ladang perjumaen.

³⁸Tapi kennah idengngani sada kalak imam i pemparen si Aron nai mo kalak Lewi idi mula tupung kalak i pepulungken pèlèen-pèlèen idi. Janah sipersipuluh ibas pèlèen idi nai kennah itaruhken kalak Lewi idi ngo mi langgih silot i Bages JAHOWA.

³⁹Karina kalak Israel dekket kalak Lewi kennah merembah penumpaki merumangken pagè, anggur dekket minak zaitun mi langgih bekkas pemeneppen haliu Bages JAHOWA. I sidi ma mo bekkas imam-imam mula tupung merkebbas, bagi bak pertaram pengkeruhen Bages JAHOWA dekket kalak perendè. Oda ndorok lupa kami lako pelias-liasken Bages Dèbata nami.