Read Batak Dairi Nehemia 7 Bible Online

Nehemia 7 - Batak Dairi bible

Nehemia 7

¹Enggo kessa dung dingding pagar batu idi ipelias, kudokken mo asa ipengeleketken karina pèntu-pèntuna. Nai kudokken mo taba karina penjaga pèntu pengkeruhen, perèndè dekket kalak Lewi mengulaken bahanenna gennep.

²Memerèntah kuta Jerusalem kusohken mo bai dengan sibeltekku si Hanani dekket bai si Hananya, pakalima bèntèng, kerna merkesurungen ngo ia merkebiaren taba JAHOWA daripada sidèbankenna i janah ndorok kettoken.

³Kudokken taba kalak i, “Lebbè nterrang ngo ari asa ndorok ibuka Pèntu Pengkeruhen Jerusalem janah kennah ngo enggo ipèntu bak igerruk sinderrang mak dèng mergancih penjaga cibonna i. Nai dèng ma kennah itentuken ngo kalakna pertaram i pengisi kuta Jerusalem nai, dèba mo i mi bekkas mertaram janah dèba nai mo i mengagahi mi bekkas i sikuliling sapo kalak i.”

⁴Ukum Jerusalem sada kuta mbellang ngo, tapi cituk dèng ngo jelma pengisina, janah oda piga dèng bages ipajek.

⁵Kumerna i iperukuri Dèbata ngo aku lako pepulungken ginemgem dekket karina pengulu bak simpantasniasèna, asa ndorok kalak i kukèrah mengèkutken gerar- gerar tarombo kalak i. Tupungna i enggo jupa aku surat-surat tersèngèt isè kalakna perlebbè kalohon balik i buangen nai. Bagèen mo keterangen si jupa aku ibas surat-surat idi nai:

⁶Mèduk ngo bai kalak sibuangen idi nai menadingken propinsi Babel janah balik mi Jerusalem dekket Juda, dekket mersiteppet lebbuhna. Enggo ndekkah kalak i nggelluh i buangen Babel, kessa nai kin ibantun kalak i mi sidi bagè tabanen Raja Nebukadnezar.

⁷Simenguluken kalak i imo si Zerubabel, si Jesua, si Nehemia, si Azarya, si Raamya, si Nahamani, si Mordekhai, si Bilsan, si Misperet, si Bigwai, si Nehum dekket si Baana.

⁸Enda mo gerar-gerar kaum horong Israel, dekket buè kalakna i gennep horong nai sibalik i buangen nai: Horong si Paros — — 2.172 Horong si Sefaca — — 372 Horong si Arakh — — 652 Horong si Pahat-Moab (pemparen si Jesua dekket si Joab) — — 2.818 Horong si Elam — — 1.254 Horong si Zatu — — 845 Horong si Zakai — — 760 Horong si Binui — — 648 Horong si Bebai — — 628 Horong si Azgad — — 2.322 Horong si Adonikam — — 667 Horong si Bigwai — — 2.067 Horong si Adin — — 655 Horong si Ater (sinigerarenna ma si Hizkia) — — 98 Horong si Hasum — — 328 Horong si Bezai — — 324 Horong si Harif — — 112 Horong si Gibeon — — 95

²⁶Jelma kalak empungna merian i gennep kuta ènda pè balik ma ngo i kebuangen nai: I kuta Betlehem dekket Netofa nai — — 188 I Anatot nai — — 128 I Bet-Azmawet nai — — 42 I Kiryat-Jearim, Kefira Beerot nai — — 743 I Rama dekket Gaba nai — — 621 I Mikhmas nai — — 122 I Betel dekket Ai nai — — 123 I Nebo sidèban nai — — 52 I Elam sidèban nai — — 1.254 I Harim nai — — 320 I Jeriko nai — — 345 I Lod, Hadid dekket Ono nai — — 721 I Senaa nai — — 3.930

³⁹Enda mo gerar-gerar horong imam-imam sibalik i buangen nai: Horong si Jedaya (peparen si Jesua) — — 973 Horong si Imer — — 1.052 Horong si Pasyhur — — 1.247 Horong si Harim — — 1.017

⁴³Horong kalak Lewi sibalik i buangen nai imo: Horong si Jesua dekket si Kadmiel (pemparen si Hodewa) — — 74 Horong pergotci i Bages(pemparen si Asaf) — — 148 Horong Penjaga Pengkeruhen i Bages(pemparen si Salum, si Ater, si Talmon, si Akub, si Hatita, dekket si Sobai) — — 138

⁴⁶Enda mo gerar-gerar horong perkebbas i Bages Jahowa sibalik i buangen nai: Si Ziha, si Hasufa, si Tabaot, si Keros, si Sia, si Padon, si Lebana, si Hagaba, si Salmai, si Hanan, si Gidel, si Gahar, si Reaya, si Rezin, si Nekoda, si Gazam, si Uza, si Paseah, si Besai, si Meunim, si Nefusim, si Bakbuk, si Hakufa, si Harhur, si Bazlit, si Mehida, si Harsa, si Barkos, si Sisera, si Temah, si Neziah, dekket si Hatifa.

⁵⁷Horong perkebbas si Salomo sibalik i buangen nai: Horong si Sotai, Soferet, Perida, Jaala, Darkon, Gidel, Sefaca, Hatil, Pokheret-Hazebaim, Amon.

⁶⁰Karina pemparen simerkebbas i Bages Jahowa dekket perkebbas si Salomo sibalik i buangen nai buèna 392 kalak.

⁶¹Bai kalak siberkat i kuta Tel-Melah, Tel-Harsa, Kerub, Adon dekket Imer nai, lot 642 kalak enggo dekket horong si Delaya, Tobia dekket Nekoda; tapi oda terbuktiken kalak i magahken pemparen bangsa Israel kalak i.

⁶³Lot ma ngo barang piga-piga jabu imam siso ndorok nèngè dapetsa gerar-gerar empung kalak i. Horong-horong idi imo si Habaya, si Hakos dekket si Barzilai. (Sada kalak empung horong imam Barzilai muat berru i pemparen horong Barzilai i Gilead nai janah ipakkè nola gerar horong simatuana). Kumarna oda terbuktiken kalak i isè empungna, gabè oda mo terjalo nèngè kalak i gabè imam.

⁶⁵Igerra gubèrnur nagerri Juda mo kalak i kipangan pangaen sinipèlèken bai Dèbata, soh lebbè lot sada kalak imam sindorok mengido peddah merkitè memakè Urim dekket Tumim.

⁶⁶Jelma buangen sibalik mi nagerrina karina buèna 42.360 kalak. Laènkenna idi balik ma ngo simengurupi kalak i buèna 7.337 kalak dekket perendè buèna 245 kalak. Iembah kalak i ma ngo tong pinakan-pinakan kalak i, imo: Kuda — — 736 Bagal (kuda boban) — — 245 Unta — — 435 Kalodè — — 6.720

⁷⁰Mèduk ma ngo ibas ginemgem nai memerèken penumpaki lako penahangken peremmasen pekadèken Bages JAHOWA imo: bai gubèrnur nai — — 8 kilo emmas — 50 perènumen kerja — 530 jubah imam bai pengulu horong nai — — 168 kilo emmas — 1.250 kilo pirak bai kalak sidèbanna nai — — 168 kilo emmas — 140 kilo pirak — 67 jubah imam

⁷³Imam-imam, kalak Lewi simenjaga Pèntu Pengkeruhen Bages JAHOWA, kalak perendè, mèduk ma bai jelma nterrem nai, perkebbas i Bages JAHOWA, pendèk kata karinana ginemgem Israel, menettap mo i karina kuta dekket ladang silot i Juda.