Read Batak Dairi Job 20 Bible Online

Job 20 - Batak Dairi bible

Job 20

¹Nai idokken si Zofar mo, “Alè Job, ncio atèngku ibaing ko, bagèndari sèkel aku mengaloi ko.

³Tuhu-tuhu mengelèai ngo ranamu i, tapi kubettoh ngo bakunè mengaloi.

⁴Oda ngo kono mbiar, imulai jaman arnia, kessa nai jelma permulaen ibaing merian i dunia,

⁵sigejap sambing kessa oang-oang jelma perjahat, janah kesennangen kalak durhaka pè pellin singkèrjep mata?

⁶Mula pè songket i langit kemuliaenna, sanga dais mi hembun takalna,

⁷tapi kennah mersep ngo ia soh mi sidekkah-dekkahna, permersepna pè i dunia èn nai bagè cara merlèa. Kalak sipennah menandaisa, mengkusoken, “Tengen, mikè lausna?”

⁸Bennè mo ia bagè nipi, mersep bagè tengennen tikan gellap ari.

⁹Oda nè idah mata ia; oda nèngè lot i bekkasna merian i ia.

¹⁰Sinitangkona bai kalak sincor nai arnia, kennah igancihi dukak-dukakna.

¹¹Tukasi pè poso janah mergegoh ia, tapi sigejap nai gabè cirabun mo ia.

¹²Sun mo tenggina kejahaten i babahna. Tapi rogi ngo iakap mula ndor menelensa; kumarna i ipennep mo i terruh dilahna, asa ndekkah ia mengakapken rasana.

¹⁴Tapi mobah mo pangaen i ibas beltekna, gabè racun mpagit merembah kematènna.

¹⁵Harta tinangko sinitelenna, kennah iutahken nola; Dèbata ngo mengokal tan beltekna.

¹⁶Perjahat mengènum racun merembahken jaya, kennah matè ngo ia ibaing tosè itebbi nipè merbisa.

¹⁷Minak zaitun simarir i oda nè irasai, barang pè susu bak tenggoli simbuè kalohon i.

¹⁸Karina labana kennah iulakken; hasil ndiulana pè oda nè iakapken.

¹⁹Kumarna itèndes janah ipejalang ia kalak siso lot kadèna pè; irampasi ngo bages siso nipajekna.

²⁰Kumarna oda nè mersipat nahakana, gabè oda nè nung puas iakap ia.

²¹Mula mangan ia karinana ngo ikerriken, kemulihken i kinidumana oda mertahan.

²²Tikan sondel kinidumana, simpersuk bak bonek roh menerpaisa.

²³Tikan ikelaputi mengisi beltekna, gabè melaga kalohon mo Dèbata janah menghukumsa.

²⁴Mula mperrus ia mengilakken peddang waja, gabè panah tembaga nola mo mengelukaisa.

²⁵Kenna panah mo ia sanga luka; pucuk panah merkillok menembus dagingna, nai buradan mo menangkemmi ukurna.

²⁶Salpun mo karina harta sinipenepna bagi mo ia dekket sisimpangansa ilekkup api siso nilakaten jelma.

²⁷Langit pacidahken kejahatenna; tanoh èn pè kèkè mengalosa.

²⁸Kerri ngo karina kinibèakna, kumarna laga bak pungur Dèbata.

²⁹Sibagidi ngo jalonken kalak siso kasèa nasip sinitentuken Dèbata bana.”