Read Batak Dairi Job 27 Bible Online

Job 27 - Batak Dairi bible

Job 27

¹Si Job menerrusken katana, nina mo, “Merkitè gerar Dèbata sing- gelluh, siso maing adil taba aku,

³kusumpahken mo; Sidekkah iberrè Dèbata dèng kessah bangku sidekkah lot dèng kessahku i badanku,

⁴oda nggèut mengeruapken kata luap i bibirku, oda ruap kata akkal-akkal arap dilahku.

⁵Jadi oda uè aku mendokken kènè bennar; soh matè aku, kupertahanken ngo aku oda mekemmer.

⁶Tong ngo aku merdangaen mi kepatuhenku, janah dak mpanting ngo pusuh peratèenku.

⁷Katerra pè ihukum mo musuhku bagè pendurhaka dekket alongku pè iajar bagè kalak merjaya.

⁸Lot ngo ndia harapen jelma luhlah tikan ihukum Dèbata nggelluhna?

⁹Idengkoh Dèbata ngo ndia tangisna mula sempa kesuliten bana?

¹⁰Nemmuken kennah mengketedohken kesennangen bai Dèbata nai ngo ia dekket ulang merkeleja-lejaen mersodip tabasa.

¹¹Naing kuajari ngo kènè tersèngèt belgah kuasa Dèbata, kubagahken bamu rencana Siperkuasa.

¹²Tapi, kènè karina enggo mengidah ia sendiri. Kasa iruapken kènè dèng ajar latlat siso merguna?”

¹³Nai mongkam mo si Zofar, “Bagèen ngo cara Dèbata Siperkuasa menghukum kalak perjahat dekket durhaka.

¹⁴Mula mbuè dukakna, mermatèen ipas geraha janah kempu-kempuna pè mpersuk ngo nggelluhna.

¹⁵Kadè-kadèna silotna dèng, matè kumerna sakit masa janah daberru simengkebalukensa maknè menangisisa.

¹⁶Ndorok ngo pirakna mertènjun-tènjun dekket olesna pè merjibun

¹⁷tapi pirak dekket oles i karina gabè milik kalak simerandal ukurna.

¹⁸Bages perjahat bagè banto-banto murah ncèda pellin persikejapen bagè sapo-sapo perjaga.

¹⁹Bagè kalak bèak ngo ia pegalèken dirina tapi maknè terolihisa bagidi ma, tikan kèkè ia i pedemenna nai, enggo salpun karina kinibèakna.

²⁰Sintengam ngo roh sempa bagè persintempu laè merginja. Angin sapa-sipu tikan berngin mengembus bak mengonjorsa mersep-mersep bagi.

²¹Angin kebincaren mengkabangkensa, dekket pekèkèkensa tan bagesna.

²²Ilentem ngo ia oda alang-alangen terpaksa ia mperrus menulusi perculèndungen.

²³Perndabuhna i ihalopken dèba mengkurpak tangan; barang i dikè sambing ia dak terlèaen.”