Read Batak Dairi Job 35 Bible Online

Job 35 - Batak Dairi bible

Job 35

¹Alè Job, salah ngo ko mula dok atèmu i mata Dèbata oda lot salahmu.

³Silap ngo ko mula kusonkenmu bakunè pana penggana dosamu tabasa; janah kadè laba ijalo ko mula oda iulaken kono dosa.

⁴Aku mo maing jabab bamu ti bagi mo dekket taba supan-supanmu i.

⁵Tengen mo mi langit janah perdatèken bakunè datesna hembun-hembun.

⁶Mula merdosa ko, oda pella rogi Dèbata. Mula mbuè salahmu, oda terakkalen ia.

⁷Mula pè mendè ibaing ko, oda ngo Dèbata niurupenmu. Tuhu ngo, oda bana barang kadè bamu nai.

⁸Taba denganmu jelma ngo mengenna dosa-dosamu. Ia ma ngo merlaba olih kerna simendè nibaingmu.

⁹Derru-derru ngo kalak i sinikilang, pingko-pingko ngo kalak i mido pengurupien.

¹⁰Tapi oda ngo bai Dèbata, Situmempasa simerèken harapen tikan bonek ia.

¹¹Dekket simerèken perbinettohen bai jelma mengelampoi manuk-manuk bak pinakan i dunia.

¹²Pingko-pingko ngo kalak siterkilang i tapi sip ngo Dèbata kumarna jahat kalak i dekket dom dates ukurna.

¹³Sia-sia ngo kalak i pingko-pingko tuk gegohna; ai oda itengen barang idengkohken Siperkuasa i ia.

¹⁴Alè Job, terlebbih dèng mo mula idokken ko kata oda idah ko nimu Ia, pengadunmu enggo hantar i hadeppenNa dekket ipèma-pèma kono Ia.

¹⁵Idokdok ko oda uè menghukum Dèbata dekket pengelausien oda iperdimata.

¹⁶Magosia ngo ranamu iterrusken kono ai enggo ntangkas, ranamu sienggo ruap oda iarusi kono.