Read Batak Dairi Job 40 Bible Online

Job 40 - Batak Dairi bible

Job 40

¹Alè Job, naing ialo ko ngo Aku, Dèbata Simergegoh kalohon; uè ngo ko petaluken dirimu barang naing menjabab dèng ngo ko?”

³Nai ialoi si Job mo JAHOWA, “Bagè kalak simoto ngo aku mengerana alè JAHOWA. Bakunè mo ndia pengaloingku? Oda lot nèngè kadè sinaing dokenkenku.

⁵Enggo mbuèsu kuruapken.”

⁶Nai mengerana dèng ngo JAHOWA i kaba-kaba i nai taba si Job.

⁷Nai idokken JAHOWA mo mbang si Job, “Dempakken mo Aku mula daholi ko janah aloi mo sikukusoken mbang ko.

⁸Mada ngo naing ipersomada ko keadilenKu, dekket ipènterri ko dirimu merkitè menalahken Aku?

⁹Mergegoh ngo ko bagè Aku? Ndorok ngo soramu bagè renggur tosè mi sorangKu?

¹⁰Pejagar mo dirimu dekket kebelgahen bak ketèmbulen, janah pakè mo kemuliaen dekket kesangapen.

¹¹Tengen mo kalak sijukkat ukurna i; huapken mo lagamu janah lèai mo kalak i.

¹²Uè, tengen mo kalak sindates ukurna, taluken mo ia; reppukken kalak perjahat i bekkasna.

¹³Tanem mo kalak i ibas abu; kurung mo kalak i mi napa kematèen.

¹⁴Nai kupoji mo ko kumarna mennang merkitè gegohmu sendiri ngo ko.

¹⁵Perdatèken mo si Behemot, binatang raksasa tosè bagè ko ngo ia, aku ngo menghanakensa. Dukut bak alah-alah ngo gagatenna, tosè bagè lembu bak kerbo biasa.

¹⁶Tapi datèken mo gegoh silot i dagingna dekket silot ipas sendihina!

¹⁷Ipetirkat ngo èkurna bagè kayu beras-beras sendihi pahana ntegguh bana mpihir.

¹⁸Tulan-tulanna mpihir bagè tembaga nèhèna ntegguh bagè bessi waja.

¹⁹Ipas karina sikuhanaken, ia mo sikekelengenken pellin simenghanakensa nai ngo kessa sindorok menaluken.

²⁰Karina uruk bekkas binatang meriar kumiali meriaia merturahen dukut simahan gagatenna.

²¹Gempang mo ia i terruh tembak merdori i kellang-kellang arngo i rabang ngo ia ciboni.

²²Kayu merdori mengelènggemisa i terruh lèndungna. Kayu ober i biding laè ngo mengelènggemisa.

²³Oda mbiar ia tukasi pè Laè Jordan nderras arasna, tong ngo ia tennang tukasi pè iremrem laè i muncungna.

²⁴Isè pang memelsut matana, ninganna menangkupsa merkitè ikontam muncungna?