Read Batak Dairi Job 8 Bible Online

Job 8 - Batak Dairi bible

Job 8

¹Nai mongkam mo si Bildad, “Sadikè dekkah nai dak bagi ranamu? Kata-katamu bagè angin sapa-sipu.

³Oda nung ipèpèol Dèbata kesèntengen; oda nung ia sondat pecèndekken ketègerren.

⁴Tah bakunè dukak-dukakmu merdosa tabasa nai patutna ngo kalak i ihukum Ia.

⁵Tapi mula baNa ngo ko culèndung mengido masèh atè dekket mengido ampun,

⁶mula mpènter ngo ukurmu, oda sitikasen mèter ngo kono iurupi Dèbata; janah balesna ipesuang balik rumah tanggamu.

⁷Kinibèakmu sibennè i oda merarti mula icodiken mi sidapet kono i podi ari.

⁸Perdatèken mo simpantasniasè siarnia janah pikiri pengalamen empungta arnia.

⁹Joppok ngo nggelluhta, oda lot kadè pemttohta ari-arinta i, pellin lèndung ngo kessa.

¹⁰Dengkohken mo rana kalak simpantasniasè arnia i ai bamu ngo peddah èn iberèken kalak i.

¹¹‘Ukum arngo i bekkas simerlaè ngo kessa tubuh ukum pandan i tanoh bencah ngo turah.

¹²Mula ngkerrah laèna, mpersah mo iakap arngo i, ndepuren dèng daripada suan-suaen sidèbanna i. Keppèken meratah dèng ngo janah madèng tikkina itabah mo ia lako mengamet hasilna.

¹³Bagi ngo kalak siso mertuhan. Lupa ia taba Dèbata, nai mersep-mersep bagi mo pengharapen.

¹⁴Sirambar bennang halus ngo gabè asang-asangna; banto-banto nola ngo mahan kettokenna.

¹⁵Ntegguh kin mo banto-banto i mahan pertunandèn? Tahan kin mo bennang i mahan cèkèpen?’

¹⁶Bagè ndeppur rih ngo kalak siso mertuhan mula isendang mataniari, luyun mo bulungna i pekken.

¹⁷Uratna mengeliliti batu-batu sinitanoh i; ntegguh merjellit, mahal mendegger.

¹⁸Tapi oji mo rengkat bagèndari rih i bagè siso nung lot ia i sidi.

¹⁹Uè kesennangen perjahat i bagi mo kessa; nai roh kalak sidèban meningkatsa.

²⁰Tapi ukum Dèbata oda uè menadingken jelma bujur, janah oda pennah uè Ia mengurupi kalak durhaka.

²¹Ibaing ngo babahmu tertaba-taba, bibirmu ibaing ngo meriaia.

²²Simergogo atè midah ko gabè mèla dekket merlèa bages perjahat irumpakken soh ncèda.”