Read Batak Dairi Psalm 116 Bible Online

Psalm 116 - Batak Dairi bible

Psalm 116

¹Kukekelengi ngo JAHOWA, kumara idengkohken ngo aku janah iperdatèken pengidoenku.

²Idengkohken Ia ngo aku, gennep dilo-dilo aku tabasa.

³Sensen ngo permaraen baku; kinitengam kematèen menjerngem aku, memamingken aku bulisah janah buradan.

⁴Nai dilo-silo mo aku taba JAHOWA, “Alè JAHOWA, pengidoenku bamu, paluah mo aku!”

⁵Permasèh atè ngo JAHOWA janah perhukum ntèger; dom masèh atè ngo Dèbatanta.

⁶Dak ipermudu-mudu JAHOWA ngo gennep kalak simbulus-mbulus; tikan mak mergegoh aku ipaluah ngo aku.

⁷Kupesennang mo ukurku, kumara selloh ngo ibaing JAHOWA baku.

⁸Enggo ipaluah JAHOWA aku ibas kematèen nai; iapoi ngo ukurku janah oda ibelli aku tergempang.

⁹Nai ndorok mo aku mengakapi simerasa i nggelluhku i dunia èn, i bagasen pengkelungkumi JAHOWA.

¹⁰Dak tong ngo tok ukurku, tukasi pè sipata kudokken, “Tersessak kalohon ngo aku.”

¹¹Ibagasen tersengget ningku ngo, “Sada kalak poda nè terketoken.”

¹²Kadè mo berènkenku bai JAHOWA lako memales mendè basaNa baku?

¹³Embahenku mo pèlèen anggur bai JAHOWA lako mendokken lias atè kumara pengurupiNa.

¹⁴Kupahèi mo jandingku baNa i lebbè karina bangsaNa.

¹⁵Rogi kalohon ngo iakap JAHOWA kemematè sada kalak sinikekelengen ukurNa.

¹⁶NaposoMu ngo aku èn, alè JAHOWA, bagè inangku, aku pè dak ngo mersembah taba kono Enggo ipaluah kono aku ibas kurungen nai.

¹⁷Embahenku mo pèlèen mendokken lias atè baMu, ninganna pesakatken sodip taba kono.

¹⁸Dak pesautenku mo jandingku bai JAHOWA, i hadeppen karina bangsamu.

¹⁹Simertumpu i kasèan Bages JAHOWA, i tengah kuta Jerusalem. Poji mo JAHOWA!