Read Batak Dairi Psalm 129 Bible Online

Psalm 129 - Batak Dairi bible

Psalm 129

¹Endè ziarah. Alè Israel, bagahken mo bakunè kin ko idersa musuh memungkah i keposoenmu nai.

²“Idersa musuh ngo aku mungkah i kenaposoenku nai, tapi oda tertaluken kalak i aku;

³mparah ngo ugahen ibakin kalak i i gurungku, bagè kalak mangkur simemakin baruren nggeddang i juma.

⁴Tapi JAHOWA sintèger i enggo paluahken aku i perhambaen nai.”

⁵Baing mo gennep kalak i simengkecegoken Sion italuken janah ilentem dungna balik.

⁶Baing mo kalak i bagè dukut i babo ntarum gabè ngkerrah tikan madèng nturah;

⁷oda lot simenabisa, barang mengerakutsa ipas tumtumen.

⁸Jelma kalak simemellus oda lot mendokken, “Katerra pè ipasu-pasu JAHOWA mo ko, kupasu-pasu kami mo ko merkitè gerar JAHOWA.”