Read Batak Dairi Psalm 13 Bible Online

Psalm 13 - Batak Dairi bible

Psalm 13

¹Psalm si Daud. Bai simenguluken perendè.

²Soh ndigan ilupaken kono aku alè JAHOWA? Soh ndigan Kono ciboni bangku nai?

³Soh ndigan aku kennah menggongken susah, janah bonek suntuk ari? Soh ndigan aku ikuasai musuhku?

⁴Tengen mo aku, alè JAHOWA Dèbatangku, aloi mo sodipku. Olihken mo gegohku, janah ulang belli matè aku.

⁵Ulang belli musuhku mendokken magahken enggo italuken kalak i aku. Ulang belli kalak i menuraki aku.

⁶Kumerna masèh atèMu ngo sikuasangken, nai meroang-oang mo aku kumerna ipaluah Kono aku. Naing merendè ngo aku bai JAHOWA, kumerna enggo ibakin simerandal taba aku.