Read Batak Dairi Psalm 132 Bible Online

Psalm 132 - Batak Dairi bible

Psalm 132

¹Endè ziarah. Alè JAHOWA, èngèt mo si Daud, dekket karina sinigongkenna.

²Ulang lupaken penembahna baMu alè JAHOWA, bang niatna baMu Pergegoh Sisotercodi, Dèbata si Jakob.

³Nina ngo, “Oda uè aku mentadi i bagesku barang meddem i peddemenku,

⁵kum makdèng kuhantari bages bai Dèbata si Jakob, bekkas merian bai JAHOWA Pergegoh Sisotercodi.”

⁶I Betlehem sidengkoh ngo tersèngèt Pèti Perpadanen, nai jupa kita i padang Jaar.

⁷Ita kè mo laus mi bekkas JAHOWA merian, janah menembahsa i lebbè tahtaNa.

⁸Roh mo ko janah merian i BagesMu, alè JAHOWA, rebbak dekket Pèti Perpadanen, tanda kuasaMu.

⁹Katerra pè mersurak oang-oang mo bangsaMu, janah imam-imamMu dak merpengelako bagè sinipergeddoMu.

¹⁰Kumernaken si Daud, naposoMu, ulang mo tulak raja sinipilihMu.

¹¹Enggo merbulaban JAHOWA taba si Daud; oda iosè padanNa idi. Nina ngo, “Kubaing mo gabè raja sada kalak anakmu lako mengerajai meningkat kono.

¹²Mula setia ngo dukak-dukakmu meradepken padanKu, janah menguèi perèntah-perèntahKu, nai soh mi sidekkah-dekkahna mo pinempar kalak i meningkat kono gabè raja.”

¹³Kumarna enggo iteddo JAHOWA Sion; sèkel ngo ia i mahan bekkasna merian.

¹⁴Nina ngo, “I sèn mo bekkasKu merian soh mi sidekkah-dekkahna, naing ngo dok atèngku i bekkas ènda Aku memerèntah.

¹⁵karina keperluenna Kuberèken mertinèncuk, karina kalak sincor Kuberèken bessur mangan.

¹⁶Imam-imamna petararken keluahen siroh bangku nai; merendè-endè mo bangsana, janah merlolo atè.

¹⁷I sènda kubaing sada kalak pemparen si Daud gabè raja; Kupetegguh mo pemerèntahenna.

¹⁸Dak terpasu-pasu ngo kerajaenna idi, tapi ukum musuh-musuhna ipemèla mo.”