Read Batak Dairi Psalm 138 Bible Online

Psalm 138 - Batak Dairi bible

Psalm 138

¹Bai si Daud nai. Alè JAHOWA, naing mendokken lias atè ngo aku baMu, ibas nasa ukurku nai. I hadeppen karina sembahen kuendèken pemojien baMu.

²Sujud aku mendempak mi BagesMu simbadia ninganna memoji gerarMu, kumara permendè basa ngo Ko janah dak tong mermasèh atè. Mahargaen ngo iakap kono padanMu daripada pendokken ndèba tersèngèt diriMu.

³Tikan dilo-dilo aku baMu, ialoi Kono ngo, ipetegguh kono ukurku gabè mboho mo aku.

⁴Karina raja sinitanoh memoji Ko mo, alè JAHOWA, kumara enggo idengkoh kalak i bagah-bagahMu.

⁵Iendèken kalak i mo tersèngèt pemakinMu dekket tersèngèt ketunggungenMu simbelgah i.

⁶Mbadia kalohon ngo kono, tapi tong ngono isarihken kono kalak simerlèa, mak terboniken kalak si jukkat dirina baMu nai.

⁷Tikan sempa kesusahen baku, idekdek Kono ngo nggelluhku. Ialo kono ngo musuhku situpung mengamuk janah ipaluah kono aku merkitè kuasaMu.

⁸Ipahèi Ko mo bagah-bagahMu taba aku; ulang mo mentadi memakin barang kadè perlu bai bangsaMu.