Read Batak Dairi Psalm 16 Bible Online

Psalm 16 - Batak Dairi bible

Psalm 16

¹Psalm si Daud. Jolmiti mo aku, alè Dèbata, kumerna baMu ngo aku culèndung.

²Ningku ngo, “Kono ngo JAHOWA, kesennangenku oda lot mengelampoi Kono!”

³Kuhormati ngo karina kalak simbadia i nagerri èn; kelemonku imo merian rebbak dekket kalak i.

⁴Belli mo kalak simenembah gana-gana muat tambahna bonek atèna. Oda nggèut aku memèlè taba gana-gana, salang menggegoli gerarna sambing pè oda uè aku.

⁵Alè JAHOWA, pellin Kono ngo kessa milikku; iberrèken Kono ngo karinana siperlu baku, i tanganMu ngo nasipku.

⁶Merandalna i pemerrèkenMu baku, sipesennangken ukurku!

⁷Kupoji ngo JAHOWA si menettoi aku; berngin pè merkata ngo pusuh peratènku mengajari aku.

⁸Dak kuèngèt ngo JAHOWA, I gembarku ngo ia, nai oda tergurtik aku.

⁹Kumerna i dak lolo ngo atèngku janah meroang-oang tendingku, janah mènak ngo mentadi badanku.

¹⁰Kumerna oda ngo ibelli Kono aku matè; oda ngo iduè kono binasa kalak sinikekelengenmu.

¹¹Ituduhken kono ngo baku lapang mi kenggeluhen; baMu nai ngo terolih aku sampang atè siso mersibar dekket kesennangen soh mi amman sumendah.