Read Batak Dairi Psalm 2 Bible Online

Psalm 2 - Batak Dairi bible

Psalm 2

¹Kasa bangsa-bangsa memakin huru-hara janah marga-marga menura-nurai simago sia?

²Rebbakken kèkè ngo dunia janah mersada taki penguasa-penguasa mengalo JAHOWA bak sinipilihNa.

³Idokken penguasa-penguasa i, “Aci sienggoi kuasa kalak i janah sirampasi keluahenta!”

⁴Tertaba ngo JAHOWA i tahtaNa nai i sorga janah mencèdurken taki kalak i karina.

⁵Nai isenggak mo kalak i merdengan laga janah isenggetti merkitè pungurNa.

⁶Nina mo, “I Sion i dellengKu simbadia i enggo Kupebangkit raja sinipilihKu i.”

⁷Nina raja, “Naing mo kutingtingken kadè sienggo itetapken JAHOWA. Nina mbang aku, ‘Ko ngo anakKu, ari èn mo Aku gabè Bapamu.

⁸Pengido mo, nai karina bangsa Kuberèken bamu, janah suberri tanoh èn Kubaing milikmu.

⁹Penggellenmu mo kalak i merkitè tongket bessi janah sepperrenmu bagè koden tanoh.’ ”

¹⁰Asa perdimata mo, kènè alè raja-raja, èngèt mo alè penguasa-penguasa dunia!

¹¹Merpenguèi mo ko tuhu-tuhu bai JAHOWA,

¹²menggirgir mo ko sujud mi hadeppenNa, ulang sanga gabè melaga JAHOWA gabè iripasken nola kènè ibagasen sinempas, kumerna sintempu mèter seggat lagana. Sayurntua ngo kalak siculèndung bai JAHOWA.