Read Batak Dairi Psalm 21 Bible Online

Psalm 21 - Batak Dairi bible

Psalm 21

¹Psalm si Daud. Bai simenguluken perendè.

²Ialè JAHOWA, mersampang atè ngo raja kumerna enggo ipergegohi Kono ia; merlolo atè ngo ia kumarna kemenangen siniberrèkenmu tabasa!

³Enggo idomi kono gerrek atèna, janah memerrè kadè sinipidona.

⁴Roh ngo kono mendahisa merdenganken pasu-pasu mertinèncuk, janah memakèken rudang emmas i babontakalna.

⁵Ipido ngo asa nggelluh ia, janah iberrèken kono ngo tabasa, bang umur nggeddang soh sidekkah-dekkahna.

⁶Kumerna pengurupiMu gabè mersangap kalohon ngo ia, ibakin ko ngo termurmur janah meheji ia.

⁷Dak ngo ipasu-pasu ko ia; pekirohMu memakin dak dom sampang atè ia.

⁸Iharapken raja i ngo JAHOWA si Ntèmbul kalohon i, dak ngo ia mènak kumerna dak tong ikekelengi JAHOWA.

⁹Itaban ngo karina musuhna, janah menangkup karina kalak simerceggo atè bana.

¹⁰Roh ngo Ia bagè api mergollah-gollah lako mengeripasken kalak i.

¹¹Oda lot tading i pemparen kalak idi nai, isalpuni raja i ngo karinana kalak i.

¹²Mula mertaki kalak i lako mengalo raja, magosia ngo akkal-akkal kalak i.

¹³Icèkkèrken mo panahna, dungna merbalik mo kalak i janah mperrus.

¹⁴Kupoji kami ngo ko alè JAHOWA, kumerna mbelgah ngo kuasamu, merendè mo kami memoji kemahantunmu.