Read Batak Dairi Psalm 26 Bible Online

Psalm 26 - Batak Dairi bible

Psalm 26

¹Psalm si Daud. Baing mo sènteng baku alè JAHOWA, kerna tutus ngo pernggelluhku. Mengharapken JAHOWA ngo aku, janah cituk poda ragu ukurku.

²Selidik mo aku, alè JAHOWA, janah oji mo aku, perrèso mo sèkelku bak pikirenku.

³Dak kuèngèt ngo masèh atèMu, janah tong setia baMu.

⁴Oda uè tumpu aku dekket kalak penipu, barang mersaor dekket kalak perdèra.

⁵Kukecegoken ngo pulungen kalak simengulaken jahat, kupesisi diringku bai kalak perjahat nai.

⁶Kuborih tanganku tanda oda mersalah, janah merdalan mengkulilingi langgatenMu alè JAHOWA,

⁷ninganna mengendèken endè lias atè, janah menukutken pemaingMu mahantu i.

⁸Kukekelengi ngo BagesMu, alè JAHOWA, bekkasmu merian jah dom kesangapen.

⁹Ulang bunuh aku rasken kalak perdosa, barang menintak kessahku rasken kalak simentunahken daroh.

¹⁰Dak merempet ngo kalak i mengulaken jahat, janah dak kebbas menjalo sisip.

¹¹Tapi ukum aku nggelluh ngo ibagasen tutus penarihen, masèh mo atèmu janah paluah mo aku.

¹²Nai terkelini mo aku ipas nasa mara nai, kupoji mo JAHOWA i pulungen ummatNa.