Read Batak Dairi Psalm 3 Bible Online

Psalm 3 - Batak Dairi bible

Psalm 3

¹Psalm si Daud, tikanna mperrus ia bai si Absalom nai, anakna idi.

²Ialè JAHOWA, sondel mo nterremna alongku, nterrem kalohon menjuhap aku.

³Mèduk ngo simendokken oda uè Dèbata mengurupi aku.

⁴Tapi ukum Kono, alè JAHOWA, kono ngo tambeng-tambeng mengelègenni aku. Iberèken kono kemenangen baku, janah Ipepos kono atèngku.

⁵Dilo-dilo ngo aku taba JAHOWA; ialoi ngo aku I delleng kebadiaenna nai.

⁶Galè ngo aku janah mènak meddem, janah ndungo nola, kumerna itongkel JAHOWA ngo aku.

⁷Oda mbiar aku midah musuh simeribu-ribu i karina arah nai mengkubu aku.

⁸Paluah mo aku, alè JAHOWA Dèbatangku, hukum janah taluken mo karina alongku.

⁹Bamu nai ngo roh pengurupien, alè JAHOWA, uè mo ko memasu-masu ummatMu.