Read Batak Dairi Psalm 30 Bible Online

Psalm 30 - Batak Dairi bible

Psalm 30

¹Psalm si Daud. Endè lako menettahken Bages Dèbata.

²Kupoji mo Ko alè JAHOWA, kumerna enggo ipaluah Kono aku janah oda pediatken musuhku menuraki aku.

³Alè JAHOWA Dèbatangku, dilo-dilo ngo aku mengido urup baMu, janah ipemalum Kono ngo aku.

⁴Ikelini kono ngo aku i kematèen nai, janah pegelluhken aku i tengah-tengah kalak simatè nai.

⁵Endèken mo pemoji-mojien bai JAHOWA, kènè alè bangsangku si setia, janah mendokken lias atè mo taba Simbadia kalohon i.

⁶Kumerna sinempas ngo kessa JAHOWA melaga, hot ngo mendè basaNa sidekkah nggelluh. Tangis ngo aku tikan berngin, tapi merembah lolo atè ngo teridah bukbuk betekken.

⁷Mula tikan mènak kudokken, “Ukum Aku oda ndorok italuken!”

⁸Kumerna permendè basa ngo Ko taba aku, alè JAHOWA, ibakin kono ngo Aku tosè bagè delleng ntegguh. Tapi kessa idi nola iboniken Kono abèmu bangku nai, janah gabè mbiar mo aku.

⁹BaMu ngo, alè JAHOWA, aku dilo-dilo, bai JAHOWA ngo aku mengido.

¹⁰“Kadè gunana baMu mula matè aku janah susur mi liang kubur? Ndorok ngo kalak simatè memoji kono dok atèmu janah menukutken kebujurenMu?

¹¹Dengkohken mo, alè JAHOWA, janah masèh mo atèmu baku. Alè JAHOWA urupi mo aku!”

¹²Enggo ipekellih kono andungku gabè tatak sampang atè ibuat ko bonek atèngku janah idomi kono aku dekket lolo atè.

¹³Nai oda nggèut kom bagi aku; kuendèken endè pemojien baMu, alè JAHOWA Dèbatangku, janah mendokken lias atè bamu soh sidekkah-dekkahna!