Read Batak Dairi Psalm 48 Bible Online

Psalm 48 - Batak Dairi bible

Psalm 48

¹Psalm horong si Korah.

²Termurmur janah terpoji kalohon ngo JAHOWA i kuta Dèbatanta, i uruk simbadia.

³Sion uruk Dèbata, ndates bana merandal, kuta Raja Sitermurmur sipeloloken karina tanoh èn.

⁴Merian ibagasen jerro-jerrona ngo Dèbata, tangkas ngo Ia sendiri menjamotkensa.

⁵Tengen mo, mertumpu raja-raja; roh ngo kalak i lako naing menjuhap.

⁶Tapi mengidah uruk i, bengngang mo kalak i; gulut mo kalak i janah mperrus mak ibettoh hana-hununa.

⁷I sidi mo kalak i menggirgir buradan janah mengakap mpiah bagè daberru sinaing ketaring,

⁸bagè keppel mereppuk ipuyu topan.

⁹Bagè sinidengkohta, bagèndari siidah ngia ma, i Kuta JAHOWA Pergegoh Sisotercodi i. Kuta idi imo Kuta Dèbatanta, Ipebèlai ngo i soh mi sidekkah-dekkahna.

¹⁰Ibagasen BagesMu kuradumi kami ngo ngkelleng atèMu, alè Dèbata.

¹¹Termurmur ngo gerarMu janah ipoji suberri tanoh èn, ntèger ngo Kono memerèntah.

¹²Paduè mo ginemgem Sion bak Juda meroang-oang kumerna ihukum Kono ngo alo kalak i.

¹³Kulilingi mo Sion, genningi mo ia, janah bilang mo palasna.

¹⁴Perdatèken pagar batuna, perèso mo bèntèngna, asa ndorok isukutken kènè taba pinempar ndènè;

¹⁵“Ia ngo Dèbata, Dèbatanta soh mi sidekkah-dekkahna, ia ngo naing menguluken kita soh mi sidekkahna.”