Read Batak Dairi Psalm 52 Bible Online

Psalm 52 - Batak Dairi bible

Psalm 52

¹Bai simenguluken perendè. Endè peddah bai si Daud nai,

²tikan roh si Doëg, kalak Edom memagahken taba si Saul, ukum si Daud enggo soh mi bages si Abimelekh.

³Ko alè kalak mergegoh, kasa isombongken kono kejahatenmu taba kalak sinikekelengen Dèbata?

⁴Suntuk ari kono menipu janah menura-nurai jahat; bagè raut pencukkur ntajem dilahmu.

⁵Ngkellengen ngo atèmu midah kejahaten daripada simerandal, kuculen ko merluap daripada merkata tuhu.

⁶Merkitè kata-katamu ko menipu janah memakin ncio ukur ndèba!

⁷Tapi naing ibinasaken Dèbata mo ko soh mi sidekkahna; itangkup janah iruah mo ko i bagesmu nai, janah ipemersep i dunia kalak singgelluh nai.

⁸Mengidah idi, buradan mo kalak siborjok nai itaba-tabai mo kono janah mendokken,

⁹“Bagidi mo kalak siso culèndung bai Dèbata, tapi merpos atè mi kinibèakna simertinèncuk i janah menulusi kemènaken harta sinirampasenna.”

¹⁰Tapi ukum aku codi bagè kayu zaitun meratah i Bages Dèbata. Tok ngo ukurku magahken tong ngo mermasèh atè Dèbata soh mi sidekkah-dekkahna.

¹¹Dak ngo mendokken lias atè aku baMu i lebbè ummatMu kusukutken mendè basaMu.