Read Batak Dairi Psalm 54 Bible Online

Psalm 54 - Batak Dairi bible

Psalm 54

¹Bai simenguluken perendè. Ninganna menggerrit kucapi. Endè pengajaren si Daud

²tikan roh kalak Zifi mendokken taba si Saul, “Ciboni ngo si Daud rebbak kami.”

³Alè Dèbata, paluah mo aku merkitè kuasaMu, berrèken mo ketègerren baku merkitè kegegohenMu.

⁴Dengkohken mo pengidonku, alè Dèbata, uè mo ko mendatèken ranangku.

⁵Kumerna kèkè ngo kalak sidèban menjuhap aku, kalak tunggang naing memunuh aku, oda isuihken kalak i Dèbata.

⁶Tapi Dèbata ngo mengurupi aku; JAHOWA ngo menampati aku.

⁷Ihukum mo musuhku merkitè kejahaten kalak i sendiri, janah mengeripasken kalak I kumerna setia ngo ia baku.

⁸Merkitè tulus ukurku kupèlèken pèlèen baMu, janah mendokken lias atè baMu kumerna selloh ngo Ko, alè JAHOWA.

⁹Enggo ipaluah kono aku ipas sagumanna keposekken nai, janah kuidah musuhku italuken.