Read Batak Dairi Psalm 6 Bible Online

Psalm 6 - Batak Dairi bible

Psalm 6

¹Psalm si Daud. Bai simenguluken pe- rendè. Merkitè memakè kucapi. Mengèkutken logu peualuhken.

²Alè JAHOWA ulang mo ajar aku merkitè lagaMu, ulang hukum aku ibas gusarMu.

³Masèh mo atèmu baku alè JAHOWA, kumerna enggo kerri gegohku, pergegohi mo aku kumerna enggo ndotè aku.

⁴Dak rembekbekken ngo pusuhku; soh ndigan itadingken ko aku, alè JAHOWA?

⁵Olihi mo, alè JAHOWA, janah paluahi aku, perkinijuahi mo aku kemulihken masèhMu.

⁶Kumerna i banua terruh oda nè ièngèt Kono oda lot simemoji Kono i bekkas kalak simatè.

⁷Ngkoltè ngo aku kumerna dak menderko, gennep berngin merurus èluhku mengkemerri peddemenku.

⁸Ramben matangku kerna bonek, janah mehèrem kumerna musuh-musuhku.

⁹Laus mo ko, alè jelma jahat, kumerna enggo idengkohken JAHOWA tangisku.

¹⁰Idengkoh JAHOWA ngo pengidonku janah ijalo sodipku.

¹¹Karina musuhku gabè tersengget janah mèla janah sintempu sondar bana malu.