Read Batak Dairi Psalm 62 Bible Online

Psalm 62 - Batak Dairi bible

Psalm 62

¹Bai simenguluken perendè. Mengèkutken: Jedutun. Psalm si Daud.

²Nono ngo tendingku memèma Dèbata, pellin bana nai ngo kessa keluahenku.

³Pellin Ia ngo mengelenggemmi bak paluahken aku, Ia ngo mempebèlai aku, oda mo ringgodoren aku.

⁴Soh ndigan ngo kènè karina naing menjuhap sada kalak sienggo bagè dingding rèbèh dekket pagar batu sinaing merentuh?

⁵Pellin mertaki mendabuhkensa ngo kènè i kundulenna sindates idi nai. Kucul ngo kènè merluap; memasu-masu ngo kum babah ndènè, tapi menumpahi ngo kum ukur ndènè.

⁶Menak ngo tendingku mèma Dèbata, pellin bana nai ngo keluahenku.

⁷Pellin Ia ngo mengelenggemmi dekket paluahken aku; Ia ngo menampati aku, oda ringgodoren aku.

⁸Ia ngo Dèbata memerèken baku kinijuah bak kesangapen, Ia ngo mengelenggemmi janah mergegoh mengampini aku.

⁹Alè bangsangku, merkeposen bai Dèbata mo kènè gennep tikki; harèken pusuh peratèen ndènè tabasa, kumarna Ia ngo bekkasta culenggem.

¹⁰Pellin sengembus kessah ngo kessa jelma, mbelgah kèdèk dos oda maharga. Mula itimbang, menahang kalohon ngo kalak i, menahangen daripada singembus kessah.

¹¹Ulang mengharapken hasil pengkilangen, janah ulang mengasangken harta rampasen. Tah pè mertambah kinibèakmu, ulang mo mi si lekket ukurmu.

¹²Tah piga-piga kali kudengkoh ngo Dèbata mendokken magahken bana nai ngo benna kuasa

¹³janah tong ngo Ia mermasèh atè. Ukum kono, alè JAHOWA, dak memales taba gennep jelma rembang mi perulaenna.