Read Batak Dairi Psalm 64 Bible Online

Psalm 64 - Batak Dairi bible

Psalm 64

¹Bai simenguluken perendè. Psalm si Daud.

²Alè Dèbata, dengkohken mo sodipku, tikan aku susah, peluah kessahku bai musuh sikebiaren idi nai.

³Jamoti aku i pulungen kalak durhaka nai, i taki-taki bècuk kalak jahat nai.

⁴Ibakin kalak i ngo dilahna bagè ntajem peddang, janah mengeruapken kata-kata mpiah tosè bagè anak panah.

⁵Ibas percibonienna nai iperarat kalak i ngo berita luap, oda pella mbiar kalak i menukasi kalak siso mersalah.

⁶Merhenjellen mi takina jahat i ngo kalak i, janah merarih lako memakin togong-togong; dok atè kalak i oda lot simengidah.

⁷Itaki kalak i ngo maing kejahaten, janah mendokken, “Kubahan kami ngo arih akkal-akkal.” Mbages kalohon ngo ukur bak pikiren jelma, oda terasak.

⁸Tapi itèmbakken Dèbata ngo panahNa taba kalak i, janah sintempu mo kalak i ugahen.

⁹Mago ngo kalak i kumerna pengerananna sendiri; karina simengidahsa mengupirken takal.

¹⁰Nai karina jelma mo buradan; iradumi kalak i mo pemakin Dèbata janah menukutken kadè sienggo nibakinNa.

¹¹Nai merlolo atè mo karina kalak bujur kumernaken pemaing JAHOWA. Culèndung tabasa mo kalak i; gegah mo karina kalak bujur.