Read Batak Dairi Psalm 65 Bible Online

Psalm 65 - Batak Dairi bible

Psalm 65

¹Bai simenguluken perendè. Psalm si Daud. Endè.

²Patut ngo kami memoji Ko i Sion, alè Dèbata, janah memahèi jandi nami baMu.

³Kerna Kono ngo simenguèi sodip karina kalak roh mendahi ko kerna enggo merdosa.

⁴Mberratsu ngo dosa-dosangku bangku, tapi Kono ngo mengampuni.

⁵Sayurntua ngo kalak sinipilihmu, janah idiloi kono merian i BagesMu. Ipepolih ngo kami merkitè simerandal i BagesMu, bekkasMu simbadia.

⁶Ialoi kono ngo kami merkitè merrè kemenangen bai nami, ibaing ko kelengangen lako paluahken kami! Kono ngo harapen karina bangsa soh mi laut sindaoh.

⁷Merkitè gegohMu ipecèndek ko delleng-delleng, lako pacidahken kegegohenMu simahantu i.

⁸Ipemènak ko perdengung laut bak pengamuk galombang, janah ipemènak ko kegutturen bangsa-bangsa.

⁹Karina pengisi tanoh èn merkebiaren janah mehormat menengen sinibaingMu mehamat. Suberri tanoh èn i puncana nai mi punca ibaing ko meroang-oang.

¹⁰Ijamotken ko ngo tanoh i bak memerèken udan, ibaing ko nggabur gabè durus hasilna. Ninir ngo ibaing ko karina batang laè, ipèmaken ko ngo pagè bai kalak i uè, bagidi ngo penghantarimu.

¹¹Merlaè ngo ibaing ko baris tinggalana janah ibernekki ko mpulguken tanohna. Ipegabur kono ngo merkitè udan, janah ijamin ko tunas-tunasna turah nggomok.

¹²Kumarna mendè basaMu, ipèmaken ko ngo peranien gennep tahun; barang i dikè sambing ko roh, dak lot pasu-pasu.

¹³Dom kambing bak biri-biri ngo jampalen, karina urukna meroang-oang.

¹⁴Jampalen-jampalen merselimutken biri-biri, dom pagè napa-napa. Karina mersurak bak merendè sampang atè.