Read Batak Dairi Psalm 83 Bible Online

Psalm 83 - Batak Dairi bible

Psalm 83

¹Psalm si Asaf: Sada endè.

²Alè Dèbata, ulang mo sip kono, ulang mo lempit tangan janah sip kono.

³Tengen mo, kèkè ngo musuhMu, mengalo ngo kalak simerceggo atè bamu.

⁴Mertaki bècuk ngo kalak i mengalo bangsaMu; janah merarih lako mengalo karina kalak sinijamotimu.

⁵Nina kalak i ngo, “Aci sigeppui bangsa Israel, asa ulang nè ièngèt gerar kalak i.”

⁶Bangsa-bangsa enggo mersada, janah mersada arih mengalo Kono:

⁷bangsa Edom dekket Ismael, kalak Moab dekket Hagar;

⁸bangsa Gebal, Amon dekket Amalek, bangsa Pilistea bak pengisi Tirus.

⁹Bang Assur enggo mersada dekket kalak i, gabè pengurupi pinempar si Lot.

¹⁰Bakinken mo kalak i bagè kalak Midian, bagè si Sisera dekket si Jabin i batang Laè Kison,

¹¹sienggo idungi i Endor, janah gabè napu tanoh.

¹²Bakinken mo bai pengulu kalak i bagè si Oreb dekket si Zeeb, petunduk mo simengerajai kalak i bagè si Zebah dekket si Salmuna,

¹³kumerna enggo idokken kalak i, “Aci, sitaban tanoh bekkas niiani Dèbata”.

¹⁴Alè Dèbata, hamburken mo kalak i bagè abu, bagè nggala sinipuyu angin.

¹⁵Bagè api simengelekkup rambah, dilah api sikitutung delleng-delleng.

¹⁶Jalang kalak i merkitè kaba-kabaMu, senggetti kalak i merkitè topanMu.

¹⁷Alè JAHOWA, belli mo kalak i ilèai, asa iakui kalak i kuasaMu.

¹⁸Belli mo kalak i sidekkahna dak ipemèla janah buradan, belli mo kalak i matè ibas kelèaen.

¹⁹Katerra pè ibettoh kalak i pellin Kono ngo Sintèmbul Kalohon, JAHOWA, simerkuasa i suberri tanoh èn.