Read Batak Dairi Psalm 95 Bible Online

Psalm 95 - Batak Dairi bible

Psalm 95

¹Arke merendè bai JAHOWA, mersurak mengoangken sipaluahken kita!

²Ita kènè menghadepsa merkitè endè lias atè, mersurak-surak ninganNa mengendèken èndè pemojiin bana.

³Kumerna JAHOWA ngo Dèbata metunggung, Raja mahantu simengelampoi karina sembahen.

⁴Ia ngo menguasai bekkas-bekkas simbagesna ibas tanoh èn, milikna ngo karina pucuk delleng.

⁵Ia ngo mengerajai laut, kumara Ia ngo menghanakensa, darat pè sinibahan tanganNa ngo.

⁶Ita kènè sujud menembahsa, mengelempit tèun i hadeppen JAHOWA, simenempa kita.

⁷Kumara ia ngo Dèbatanta, kita bangsa sinijamotiNa, bagè biri-biri sinipermakanNa. I ari èn dengkohken mo soraNa:

⁸“Ulang mpihir ukur ndènè bagè empung ndènè i Meriba, bagè tikan kalak i i Masa, i padang gurun.

⁹Ioji kalak i ngo Aku i sidi, kasi pè enggo idah kalak i pemakinKu.

¹⁰Empatpuluh tahun dekkahna moyang atèngku midah kalak i; ningKu ngo: Tuhu-tuhu, oda setia bangsa idi! Oda nè isarihken kalak i perèntah-perèntahKu.

¹¹Nai kusumpahken mo kumerna lagangKu, oda ndorok mbengket kalak i mi nagerri idi lako rebbak mersennang-sennang dekket Aku.”