Read Batak Dairi Peddah 14 Bible Online

Peddah 14 - Batak Dairi bible

Peddah 14

¹Kebijaken daberru ngo memajek bages persaripènna, tapi icèdai kemulihken kemotoenna.

²Kalak ntèger merkebiaren janah pesangapken Dèbata JAHOWA; kalak pernggelluh nggèduk ilèai ngo Ia.

³Kumarna tunggangna, kalak moto pebelgah-belgahken diri; kalak bijak ilègenni katana sendiri.

⁴Oda lot hasil juma kum oda lot lembu, mertinèncuk ngo hasil juma kerna gegoh lembu.

⁵Saksi jujur dak ngo iranaken situhuna, saksi siso terpercaya dak ngo luap.

⁶Jelma sombong oda ndorok gabè mpantas, tapi murah ngo merguru kalak jelma ncerdas.

⁷Ulang ko merdengan dekket jelma moto, oda lot barang kadè sindorok iajarken bamu.

⁸Ibettoh simpantas ngo barang bakunè baingenna, kalak moto itipu kemotoenna.

⁹Oda isarihken jelma moto, tah iampuni barang oda dosana; ukum kalak selloh dak sèkel ngo iampuni dosana.

¹⁰Lolo barang bonek terpennep ibas atè-atè i; sidèban oda dekket mengakapken i.

¹¹Bages kalak selloh tettap ntegguh; bages kalak perjahat kennah roboh.

¹²Lot ngo dalan mpènter dok atè jelma, tapi mi kemotoen ngo ujungna.

¹³I balik taba uè ngo lot tangis; sampang atè uè ngo merpuncaken bonek.

¹⁴Jelma jahat menjalo buah kejahatenna, kalak selloh menjalo buah kesellohenna.

¹⁵Jelma lengah tok mi karina rana jelma mpantas lebbè itimbangi ngo karina.

¹⁶Kalak merbeddi dak mermanat janah ipedaoh dirina tan kejahaten, kalak moto dak seggaten, nai mènak mo iakap.

¹⁷Kalak melukah melaga mengulaken kemotoen, kalak mpantas dak merkesobaren.

¹⁸Makin motona ngo jelma siso merpengalamen; kalak bijak mertambah-tambah kepantasenna.

¹⁹Kalak jahat kennah tunduk bai simpènter atè; midoken asa terolih masèh atè.

²⁰Kalak ncor oda ngo ikellemoken agia supan-supanna; tapi kalak sibèak nterrem ngo alè-alèna.

²¹Barang isè mengelèai sidèban, merdosa ngo; barang isè mermasèh atè taba simpersuk, sayurntua ngo.

²²Barang isè maing mendè, ikettoki dekket ipesangap; barang isè menura-nurai kejahaten, ia ngo i dalan tèkah.

²³Ibas karina usaha lot ngo perlabaen; kata-kata numar maing jelma i gabè ncor.

²⁴Ipoji ngo kalak mpantas kumarna kepantasenna; itandai dèba ngo simoto kumarna kebungurenna.

²⁵Mula situhuna idokken saksi, paluahken kessah mo ia; mula luap ngo ia, menelbuh denganna ngo ia.

²⁶Merkebiaren midah JAHOWA ngo pertahanen, janah dukak-dukakmu pè terolih perculèndungen.

²⁷Merkebiaren midah JAHOWA ngo benna kenggeluhen, dekket dalan pesisiken kematèen.

²⁸Kemuliaen raja imo mula nterrem ginemgemna; kum oda lot ginemgemna oda lot kuasana.

²⁹Kalak mpantas oda murah melaga; jelma moto oda terkuasaensa dirina.

³⁰Ukur melamlam pegelluhken badan; ukur ncian tosè mi sakit mematèken.

³¹Isè maing mendè taba sincor, i ngo pesangapken JAHOWA; isè mengelèai kalak simpersah, ingo mengelèai Simenghanakensa.

³²Jelma perjahat mpur-pur kumerna kejahatenna; kalak selloh terkelini kumarna nalemna.

³³Dak lot ngo peddah ibagasen ukur simpantas; tapi terlicat ngo ibagasen ukur simoto.

³⁴Adil bak selloh maing termurmur bangsa, tapi dosa ngo maing bangsa i merlea.

³⁵Kelleng atè raja mula pandè pugabèna; tapi melaga ngo ia taba pugabè siso ndorok mengulaken bahanna.