Read Batak Dairi Peddah 24 Bible Online

Peddah 24 - Batak Dairi bible

Peddah 24

¹Ulang cimburu ko midah perjahat janah ulang sèkel ko merdengan dekket kalak i.

²Pellin kemagoen ngo ipikiri kalak i dekket olpek sambing ngo iranai.

³Nipajek ngo bages merkitè kepandèen.

⁴Janah mula merukur, sin mo bilikna barang-barang maharga bak merandal.

⁵Mahanggaen ngo jelma pandè daripada jelma mergegoh, perluen ngo perbinettohen daripada gegoh.

⁶Kumarna sidang madèng mergeraha kennah seppè ngo lebbè mersungkun, janah mula makin mèduk simerèken cara, makin mbelgah harapen mennang.

⁷Jelma moto oda teradumisa kepantasen. Oda terdokkensa barang kadè mula sidang mengeranaken sipenting-penting kalak.

⁸Jelma sidakdak menura-nurai kejahaten, igerari dèba mo ia penggutturi.

⁹Karina sinipikiri jelma moto dosa ngo i. Jelma sidak mengerèhè isè poda lot sennang midah i.

¹⁰Mula putus asa ko tikan sessak, jelma ndotè ngo ko.

¹¹Ulang ragu paluahken jelma sienggo ihukum matè; paluahi mo kalak sienggo tupung iruah mi penggantungen.

¹²Ndorok ngo dokenkenmu, “Oda urusenku i.” Tapi iperdimata Dèbata ngo ko. Ibettoh janah ihukum mo pikirenmu. Ibalesken ngo bai jelma rembang mi pengelakona.

¹³Pangan mo tenggoli alè pa, ai selloh ngo i. Tosè bagè tenggoli i cambang renggicing nai, tenggi nipangan,

¹⁴bagi ma ngo kepantasen i selloh ngo mi pusuh perateenmu. Mula bijak kono sennang mo ko i ari podi.

¹⁵Ulang bagè perjahat mertaki lako menamun jelma bujur dekket mengerampasi bagesna.

¹⁶Kerna, mula pè nggati geppah jelma bujur i, dak kèkè nola ngo ia. Tapi ukum perjahat i lako bennè mo ibaing olpek.

¹⁷Ulang kono lolo mula cilaka musuhmu janah ulang mersampang atè mula geppah ia.

¹⁸Ai idah JAHOWA ngo sinibaingmi janah i perdimata, nai oda nè mo ihukum musuhmu i.

¹⁹Ulang segat barang cemburu midah jelma perjahat.

²⁰Ukum kalak perjahat oda lot harapenna i podi ari.

²¹Kebiari mo JAHOWA alè pa janah pesa- ngap raja. Ulang pèkut-èkut kalak simengalo kalak i.

²²Ai bennè mo kalak sibagidi ibagasen sigejap ai kemagoen sinibaing Dèbata barang pè raja oda kètèk i.

²³Kalak simpantasniasè pennah mendokken bagèen: Oda ndorok taka buluh pertimbang hakim.

²⁴Mula mersalah jelma, idokken nola oda mersalah, isumpahi dèba mo hakim i janah ipekata-kata jelma nterrem.

²⁵Tapi hakim simenghukum kalak persalah sennang mo ia janah ipesangap dèba.

²⁶Pengaloi ntèger imo tanda tuhu-tuhu mersupan.

²⁷Ulang dèng jejap mula madèng ipè- maken ko jumamu dekket mula madèng lot pencarinmu.

²⁸Ulang gabè saksi taba sidèban ukum oda patut kulih sebabna; ulang merluap tersèngèt ia.

²⁹Ulang dokken, “Kennah kubalesken bana sienggo nibaingna bangku i!”

³⁰Pennah mentas aku arap juma dekket pekken anggur sada kalak perhangkè moto.

³¹Sikuidah i si pellin kopi-kopi ngo dekket rih. Pagarna pè enggo merumpak.

³²Kupikiri dekket kuradum-radumi kessa mo i, dapet aku mo pengajaren èn:

³³Merkitè tertunduh dekket meddem sinempas, merkitè kundul cirempu dekket mentadi sigejap,

³⁴Kekurangen dekket kinicor nai ngo roh menjuhap bagè penamun mersinjata.