Read Batak Dairi Perjamita 10 Bible Online

Perjamita 10 - Batak Dairi bible

Perjamita 10

¹Bangkè oker maing macik sada botol minak baungkus, cituk pè kemotoen maing siasia perbinettohen mbages.

²Patutna ngo mula kalak simpantas dak mendè iulaken janah kalak moto mengulaken kejahaten.

³Kemotoenna teridah arap pemahanna. Janah taba karina kalak ngo ipacidah kemotoenna.

⁴Mula ilagai penguasa kono ulang gabè mengido meradi kono. Tukasi pè mbelgah kesalahenmu, iampuni ngo ko mula tennang janah sobar.

⁵Lot dèng ma ngo kejahaten sidèban kuidah i dunia imo penurimpangen penguasa-penguasa.

⁶Taba jelma moto iberèken kundulen mermulia keppèken jelma siterpelebbè, terolih kadè poda.

⁷Nung ngo kuidah hamba menunggang kuda keppèken kalak raja merdalan nènèh bagè hamba.

⁸Barang isè mengkurak lubang, kennah ndabuh ia mi bagasenna barang isè mengerumpakken pagar kennah itebbi nipè merbisa.

⁹Barang isè muat batu kennah terhantuk janah luka. Barang isè menaka kayu, nggèut ngo mermara.

¹⁰Mula majel golokmu janah oda igarut kono kennah mengula lebbih susah nola dèng ngo ko. Pakkè mo ukurmu janah lebbèen mo baingken rencanamu.

¹¹Mula menebbi nipè tikan madèng isebbuti oda nèngè merguna pabang nipè i.

¹²Pengeranaen jelma mpantas memaingsa ihormati, tapi mago ngo jelma lengah kumarna katana sendiri.

¹³Mulana katana bagè luap biasa, tapi ujungna bagè rana sigila mo katana.

¹⁴Ukum jelma moto mbuè ngo kata-katana. Ari podi i mboni ngo banta nai karina. Oda lot nèngè sindorok mengalatken simasa enggo kessa oda lot nè kita.

¹⁵Pellin jelma moto ngo oda ibettoh dalan mi sapona, oda mengadi-ngadi ia mertuhu-tuhu mengula.

¹⁶Merjaya mo sada nagerri mula bajar dèng rajana dekket suntuk berngin merpèsta-pèsta pengulu-penguluna.

¹⁷Merrèjekki ngo sada nagerri mula merseppuh rajana, janah pengulu-penguluna mangan tupung ketikana.

¹⁸Tiris ngo saong sapo ukum oda isasai kemulihken hangkè gabè macik mo sapo i.

¹⁹Pèsta maing tertaba, anggur maing lolo jelma tapi perlu lot kèpèng mahan penggararna.

²⁰Ulang sumpahi raja agia ibagasen ukurmu. Ulang sumbiahi sibèak agia i pedemenmu. Tah bakunè idengkoh manuk-manuk kadè siniruapkenmu gabè ipesoh taba kalak siningutngutenmu.