Read Batak Dairi Ende Raja Salomo 3 Bible Online

Ende Raja Salomo 3 - Batak Dairi bible

Ende Raja Salomo 3

¹Tikan berngin i pentasku, ipas nipi kutulusi kekelengen atèngku; kutulusi ia tapi siasia.

²Naing kèkè aku dekket mengkulilingi kuta, mengagahi karina dalan mbellen bak kèdèk. Naing kutulusi penggantungen pusuhku; kutulusi ia tapi sia-sia.

³Isimbaki pertaram kuta mo aku, nai mengkuso mo aku, “Tah idah kènè ngo tampuk pusuhku?”

⁴Ideng kutadingken kalak i, mèter simbak aku mo tampuk pusuhku. Kudakep mo ia janah oda nè kupaluah, kuarahken mo mi sapo inangku, mi bilik simenubuhken aku.

⁵Sumpahken mo alè berru Jerusalem, mi balkih ringgarung i jampalen, oda kènè mengganggu kelleng atè soh puas iakap.

⁶Kadè ngo ndia siroh i padang gurun i nai, tosè bagè cèmber mergolong-golong? Baungkus bagè minak mur dekket kemènjen, dekket badak bai pertiga-tiga nai.

⁷Tengen mo, idi tandu si Salomo, ikulilingi ennempuluh kalak mahantu, jelma simahantu kalak Israel,

⁸sienggo pandè i perjuhapen. Karina ngo kalak i mbenting golok i abakna, kebbas mengalo simenjuhap tikan berngin.

⁹Ipetukangken si Salomo ngo bana sada tandu-tandu, ipas kayu simendèna kalohon nai.

¹⁰Tihangna pirak ibaing, janah tunandènna emmas. Kundulenna mbara mesiap rupana, isulam ibagasen sampang atè kalak berru Jerusalem.

¹¹Rumuar mo kènè alè berru Sion, tengen mo Raja Salomo merudang sinibaing inangna, tikan ari perkabinenna, tupung ari mersampang atè ia.