Read Batak Dairi Jesaya 12 Bible Online

Jesaya 12 - Batak Dairi bible

Jesaya 12

¹Dapet nè mo tikkina merendè kènè: “Alè JAHOWA kudokken lias atè baMu, kumarna iapoi kono aku. Arnia melaga ngo ko taba aku, tapi bagèndari enggo malap lagaMu.

²Tuhu-tuhu Dèbata ngo paluahken aku, percaya ngo aku bana. Oda nè mbiar aku kumarna Ia ngo mempergegohi aku. Dèbata ngo paluahken aku, janah bana mo endèngku.

³Bagè laè malum pesampangken atè kalak muas bagi mo kènè gabè meria-ia kumarna ipaluah Dèbata.”

⁴Dapet nè mo tikkina kènè mendokken kata. “Dokken mo lias atè bai JAHOWA janah sembah mo Ia. Sukutken mo taba bangsa-bangsa kemuliaen dekket karina sinibaingNa.

⁵Merendè mo bai JAHOWA kerna mbuè ibaing kelengangen. Asa suberri dunia mendengkoh tersèngèt sinibaingNa.

⁶Meroang-oang mo ko alè pengisi Sion, merendè mo ko ninganna meria-ia. Dèbata Simbadia Israel tuhu-tuhu ngo mermulia merian i tengah-tengah ndènè ngo ia.”