Read Batak Dairi Jesaya 23 Bible Online

Jesaya 23 - Batak Dairi bible

Jesaya 23

¹Bagèen ngo tennah tersèngèt Tirus. Alè perlaut Tarsis simerperau i laut, tangis mo kènè! Tikan balik kènè merlayar i Siprus nai, ibagahken mo taba kènè, enggo melala kuta Tirus. Pangkalen dekket bagesmu enggo merumpak.

²Mendeherreng mo kènè alè jelma pe- ngisi biding laut saudagar-saudagar Sidon! Kumarna ncemmal ngo ipasulak kènè jelma mi suberrang laut lako menokori gandum Mesir dekket lako mertiga-tiga taba karina bangsa.

⁴Alè kuta Sidon, enggo bennè kesangapenmu! Oda nè iakui laè mbages i kono, nina ngo, “Oda nung dèng merdukak aku, madèng pennah pebelgah-belgahken anak barang berru.”

⁵Kalak Mesir pè gabè tersengget janah gontar, idengkoh kessa enggo ibinasaken kuta Tirus.

⁶Derru-derru janah mbungkas mo kènè mi Tarsis, alè simerian i biding laut!

⁷Tengen mo kutamu Tirus sienggo lot kin arnia nai. En ngo keppè kuta sienggo ncemmal kin mersennang-sennang? Èn mo keppè kuta sipasulakken kalak mi suberrang laut lako mengeranto?

⁸Otang kalak mermulia ngo saudagar-saudagarna sinihormatenna kalon i tanoh èn?

⁹JAHOWA Pergegoh Sisotercodi ngo simemaing keputusen i. Ia ngo menentuken lako menal- puni kejukkaten jelma pengisina i kumernaken karina hasil sidapet kalak i dekket pengelèaina bai jelma simersangap i tanoh èn.

¹⁰Lako mo mengulaken jumamu alè pengisi Tarsis, kumerna oda lot nèngè labuhen keppel.

¹¹Enggo ipekustang JAHOWA tanganNa i babo laut dekket menggolingken kerajaen kerajaen. Iperèntahken asa karina bèntèng Punisia icèdaken.

¹²Nina JAHOWA, “Alè kuta Sidon! Oda nèngè mo kono mer- sennang-sennang. Pengisimu i pè tertèndes. Mula pè mbungkas kalak i mi Siprus, oda mènak kalak i.” (

¹³Oda ngo bangsa Assur, tapi bangsa Babel ngo memelli kuta Tirus ikuasai binatang penjerngem. Kalak i ma ngo memajek palas pengkubuen, mengerumpakken karina bèntèngna dekket memaing kuta i merumpak.)

¹⁴Tangis milangi mo ko alè pelaut-pelaut! Enggo nggeppu kuta siniasangken ndènè i.

¹⁵Roh mo tikkina ilupaken dèba mo Tirus pitupuluh tahun dekkahna, dos mi umur sada kalak raja. Mula enggo lepas masana i, tosè bagè daberru sibabijalang mo Tirus bagè sinidokken nangen èn:

¹⁶Buat mo kucapi, kulilingi mo kuta, alè sibabijalang sienggo terlupa! Gerit mo kucapi, mernangen mo ulaki, asa ièngèt nola ko mengolihi.

¹⁷Enggo kessa dung sipitupuluh tahun i, ièngèt JAHOWA mo Tirus, janah ipaduè nola mo ia mengulaken ulaenna arnia. Mertiga-tiga nola mo ia taba karina kerajaen i babo tanoh èn.

¹⁸Laba dekket upah sidapetsa oda nè iboniken, tapi naing ipèlèken bai JAHOWA. Nai ipakkè jelma simersembah taba JAHOWA mo kèpèng i menokor oles deket pangaen siniperluken kalak i.