Read Batak Dairi 3 Musa 15 Bible Online

3 Musa 15 - Batak Dairi bible

3 Musa 15

¹Iberèken JAHOWA mo bai si Musa dekket bai si Aron hatoren-hatoren ènda

²lako bai bangsa Israel. Mula lot sada kalak anak laki mengkaruarken sincaèr kumerna mersakit dengan tubuhna, samur ngo simerèhrèhen i,

³sikaruar barang pè siterhempek.

⁴Bekkas sinikundulen barang sinipedemmi kalak i pè gabè samur ngo.

⁵Barang isè mendegges kalak simengkaruarken sincaèr i barang pè menjamah pedemenna, barang kundul i bekkas sienggo ikunduli, barang icèduri kalak i, kennah itaptapi geddana janah meridi, janah samur ngo ia soh sundut mataniari.

⁹Pelano barang kadè sambing pè sinikundulen kalak simengkaruarken sincaèr simerèhrèhen i gabè samur ngo.

¹⁰Barang isè mendegges tah kadè sambing sienggo sinikundulen kalak i, gabè samur ngo soh sundut mataniari. Gennep kalak simendokong barang sibagidi kennah itaptapi geddana janah meridi ia, janah samur ngo ia sakat sundut mataniari.

¹¹Mula idegges kalak simengkaruarken sincaèr simerèhrèhen i kalak sidèban oda lebbèken iborih tanganna, kennah itaptapi kalak sinideggesna i ngo geddana janah meridi ia, janah samur ngo ia soh mi sundut mataniari.

¹²Saruam tanoh sinijamah kalak i kennah ipustakken dekket perkekkas sinijèmakna pè kennah iborih.

¹³Mula malum iakap kalak i, kennah ipèma ngo soh pitu ari nai. Enggo kessa i kennah itaptapi geddana janah meridi i laè mata-mata, nai mpanting mo ia.

¹⁴I ari peualuhken kennah iembah mo dua ndarapati anè-anè barang pè kèrap anè-anè mi lebbè pèntu Undung-undung JAHOWA nai iberèken mo bai imam.

¹⁵Sada ibas manuk-manuk idi nai kennah ipèlèken imam mahan pèlèen pengampunen dosa, janah sisada nai mahan pèlèen situtungen. Merkitè bagidi mo imam memahanken kerja menguras kalak sibagidi i hadeppen JAHOWA.

¹⁶Mula lot sada kalak anak laki mengkaruarken igitna, kennah meridi ngo ia, tapi tong ngo samur ia soh mi sundut mataniari.

¹⁷Barang kadè sambing kenna igit i, tah gedda barang bebak pè i kennah itaptapi, tapi tong ngo samur i soh sundut mataniari.

¹⁸Enggo kessa pul mercampur, daholi barang pè daberru kennah menridi ngo, tapi tong ngo samur kalak idi soh mi sundut mataniari.

¹⁹Sada kalak daberru tupung roh pantangen olesna, samur ngo ia sidekkah pitu ari. Barang isè mendeggessa samur ngo ia soh sundut mataniari.

²⁰Barang kadè sambing ikunduli barang ipedemmi daberru i sidekkah roh pantangen olesna gabè samur ngo i,

²¹barang isè mendegges bekkas sinipedemmen barang sinikundulen daberru tikala roh pantangen olesna, kennah itaptapi geddana janah meridi, janah samur ngo ia soh sundut mataniari.

²⁴Mula mercampur sada kalak anak laki dekket daberru tikala roh pantangen olesna i, gabè samur ma ngo anak laki i sidekkah pitu ari, janah gabè samur ngo karina pedemmen sinipedemina.

²⁵Mula lot sada kalak daberru dak bubus barang piga-piga ari iruar katika pekiroh pantangen olesna, barang pè dak tong bubus, tukasi pè enggo dung tikki pekiroh pantangen olesna nemmuken, samur ngo ia tong sidekkah bubus i, tosè bagè tikan roh pantangen olesna.

²⁶Gabè samur mo bekkas sinipeddemina bang sinikundulenna sidekkah bagidi.

²⁷Barang isè mendegges bekkas i samur ngo tong ia. Kennah itaptapi pakènna janah kennah meridi, janah samur ngo ia soh sundut mataniari.

²⁸Enggo kessa mantak sibubus i, kennah ipèma daberru idi dèng ngo sidekkah pitu ari nai. Enggo kessa pul pè i asa mbersih ia.

²⁹I ari peualuhken kennah iembah ngo dua ndarapati anè-anè barang pè kèrap anè-anè bai imam i lebbè pèntu Undung-undung JAHOWA.

³⁰Sada ibas manuk-manuk idi nai kennah ipèlèken mahan pèlèen pengampunen dosa, janah sada nai mahan pèlèen situtungen. Merkitè bagidi mo imam memahanken kerja menguras daberru i hadeppen JAHOWA.

³¹Idokken JAHOWA mo si Musa pesèngètken bangsa Israel asa memperdatèken barang cidahari kalak idi samur cidahari oda, asa ulang samur ibaing kalak i Undung-undung JAHOWA silot i tengah-tengah perundung-undungen kalak i. Mula isamuri kalak i Undung-undung i, matè mo kalak i.

³²Bagidi mo hatoren tersèngèt anak laki simengkaruarken sincaèr kumerna sakiten kemèlanna barang mengkaruarken igit,

³³tersèngèt daberru tupung roh pantangen olesna, dekket tersèngèt anak laki simercampur dekket daberru situpung roh pantangen olesna.