Read Batak Dairi 3 Musa 17 Bible Online

3 Musa 17 - Batak Dairi bible

3 Musa 17

¹Idokken JAHOWA mo si Musa

²pesakatken hatoren-hatoren ènda bai si Aron, dukak-dukakna dekket bai karina bangsa Israel.

³Mula lot sada kalak Israel memèlè- ken lembu, biri-biri barang pè kambing bai JAHOWA, kennah isèat ngo pinakan idi i lebbè pèntu Undung-undung JAHOWA. Mula i bekkas sidèban isèat, mengelausi hukum ngo ia, kumarna mengorèken daroh. Oda nè mo ètongen ia bangsa Dèbata.

⁵Tujuen perèntah idi imo asa iembah bangsa Israel mi Undung-undung JAHOWA karina pinakan sipèlènken sincemmal isèat kalak i i juma. Kennah iembah kalak i ngo pèlèen i taba imam i lebbè pèntu Undung-undung JAHOWA janah isèat i sidi mahan pèlèen perdamèen.

⁶Kennah ipispisken imam ngo daroh pinakan idi mi biding langgaten sinipèntu Undung-undung JAHOWA ninganna menutung pessohna asa sennang atè JAHOWA menganggoh baungkusna i.

⁷Kennah dak tong ngo setia bangsa Israel bai JAHOWA janah siso ndorok menèat pinakan i juma-juma mahan pèlèen taba jihim-jihim jahat. Kennah iuèi ngo hatoren i soh mi sidekkah-dekkahna.

⁸Mula lot sada kalak Israel barang kalak sidèban merian i tengah-tengah kalak Israel memèlèken pèlèen situtungen barang pè pèlèen sidèban

⁹bai JAHOWA, kennah i lebbè pèntu Undung-undung JAHOWA ngo ipèlèken. Mula i bekkas sidèban ngo ipèlèken, oda nè ètongen ia bangsa Dèbata.

¹⁰Mula lot kalak Israel barang kalak sidèban simerian i tengah-tengah kalak Israel kipangan daroh i, ihukum JAHOWA mo ia janah oda nè ètongen ia bilangen bangsaNa.

¹¹Ibagasen darohna ngo kessah karina singgelluh. Kumernana i mo asa iperèntahken JAHOWA asa karinana daroh ipispisken mi babo langgaten asa isasa karina dosa-dosa bangsa i. Daroh imo kessah, menasa dosa.

¹²Kumernana i ngo bangsa Israel barang pè kalak sidèban simerian i tengah-tengah kalak i igerra kipangan daroh.

¹³Mula lot kalak Israel barang pè kalak sidèban simerian i tengah-tengah kalak Israel menogongi manuk-manuk barang pè binatang sidèbanna siso haram, kennah ikaruarken ngo daroh binatang i janah itam- buri dekket tanoh.

¹⁴Ibas darohna ngo kessah nasa singgelluh. Kumerna i ngo igerra JAHOWA bangsa Israel kipangan daroh. Barang isè mengulaken perulaen rarangen idi, oda nè mo ètongen ia bangsa Dèbata.

¹⁵Gennep kalak Israel barang pè kalak sidèban sikipangan jukut pinakan simatè bagi sambing barang pè matè ijerngem binatang, kennah itaptapi ngo geddana nai meridi mo ia janah ipèma soh sundut mataniari, nai ipè asa mbersih ia.

¹⁶Mula oda iulaken i kennah itanggung akibatna.