Read Batak Dairi 3 Musa 18 Bible Online

3 Musa 18 - Batak Dairi bible

3 Musa 18

¹Idokken JAHOWA mo si Musa

²pesakatken bai bangsa Israel hatoren ènda, “Aku ngo JAHOWA Dèbatamu.

³Ulang osih kènè ulah-ulah kalak Mesir, bekkas sinung i iani kè, barang pè ulah-ulah kalak i nagerri Kanaan bekkas ndènè Kuarak bagèndari.

⁴Uèi kènè mo pati-patiinKu janah ulaken mo barang kadè siKuperèntahken. Aku ngo JAHOWA Dèbatamu.

⁵Uèi mo hatoren-hatoren dekket pati-patiin siKuberèken bai ndènè. Mula iulaken kènè ngo bagidi, njuah-njuah mo kènè. Aku ngo JAHOWA.”

⁶Iberèken JAHOWA mo hatoren-hatoren ènda. Ulang kènè mercampur dekket sada kalak pè ibas sincelketmu nai.

⁷Ulang mercampur dekket inangmu, sinibages bapamu, kumerna hak bapamu ngo ia.

⁸Ulang lèai bapamu merkitè mercampur dekket sada kalak sinibagesna sidèban.

⁹Ulang mercampur dekket turangmu, barang pè dekket turangmu sinama tah pè kè rebbak ipebelgah-belgah i sada bages barang pè ipebelgah-belgah pejaè-jaè bages.

¹⁰Ulang ko mercampur dekket kempumu, mengkerohken kememèla ngo idi taba dirimu sendiri.

¹¹Ulang ko mercampur dekket turangmu jaè inang tapi sada bapa barang pè jaè bapa tapi sada inang, kumerna turangmu ngo tong idi.

¹²Ulang mercampur ko dekket namberrumu barang pè nangudamu.

¹⁴Ulang mercampur dekket sinibages kaka-anggi bapamu, kumerna partuamu ngo tong idi.

¹⁵Ulang mercampur dekket purmaènmu barang sinibages kaka olimu.

¹⁶Ulang ko mercampur dekket dukak barang pè kempu sada kalak daberru sienggo pernah ko mercampur dekketsa. Tah bakunè sincelketmu ngo kalak i, janah siso puna-puna ngo bagi.

¹⁸Ulang mo ko kabin dekket kaka-anggi sinibagesmu sidekkah nggelluh dèng sinibagesmu idi.

¹⁹Ulang mercampur dekket sada kalak daberru sidekkah roh pantangen olesna, kumerna tupung melamun ngono ia.

²⁰Ulang mercampur dekket sinibages ni dèba kumerna gabè melamun ngo kono ibakin ulah-ulah sibagidi.

²¹Ulang berèken sada kalak pè ibas dukakmu nai lako pèlènken ipas pemèlèen Molokh, kumarna mengelèai gerar JAHOWA, Dèbatamu ngo perulaen sibagidi.

²²Oda ndorok anak laki mercampur dekket anak laki; nggogo ngo atè JAHOWA midah ulah-ulah sibagidi.

²³Anak laki barang pè daberru, sandok oda ndorok mercampur dekket pinakan; gabè samur ngo kènè kumernaken ulah-ulah jahat sibagidi.

²⁴Ulang lamuni dirimu merkitè ulah-ulah sibagidi, kumerna merkitè ulah-ulah sibagidi ngo bangsa-bangsa simerian i Kanaan sinderrang oda dèng kènè, mengelamuni diri kalak i. Kumerna i ngo ipelaus JAHOWA kalak i asa ndorok kènè mengiani nagerri idi.

²⁵Enggo iulaken kalak idi karinana ulah-ulah simeronah idi, gabè melamun dekket tanoh kalak i. Gabè ihukum JAHOWA mo kalak i janah oda nèngè iduè kalak i merian i sidi. Tapi ukum kènè oda ndorok mengulaken ulah-ulah sibagidi. Kènè karina, kalak Israel dekket kalak sidèban simerian rebbak dekket kènè, kennah menguèi hatoren dekket perèntah JAHOWA,

²⁸asa ulang ihukum kènè janah ipelaus i tanoh i nai bagè kalak siso menandai JAHOWA, simerian i sidi, sinderrang oda dèng kènè.

²⁹Ibettoh kènè ngo barang isè mengulaken ulah-ulah simeronah i oda nè iètong masuk bilangen bangsa Dèbata.

³⁰Nai idokken JAHOWA mo, “Uèi mo hatoren-hatoren sienggo Kuberèken janah ulang mo mengosih perulaen kalak simengiani tanoh Kanaan, ilebbènken ndènè. Ulang mo ilamuni ko dirimu sendiri merkitè mengulaken ulah-ulah sibagidi. Aku ngo JAHOWA Dèbatamu.”