Read Batak Dairi Jeremia 6 Bible Online

Jeremia 6 - Batak Dairi bible

Jeremia 6

¹Laus mo ke mengusi, alè kènè kalak Benjamin! Tadingken kènè mo Jerusalem! Pessora kènè mo sarunè i Tekoa, janah lakati kènè api mahan tanda i Bet-Kerem! Menggasa-nggasa ngo jèkat bak mara mbellen i utara nai.

²Merandal kalohon ngo kuta Sion, tapi naing ngo ilala JAHOWA;

³merundung-undung nola mo i si perkuasa-perkuasa bak soridaduna. Ipajek kalak i mo tenda-tenda kalak i i sikuliling kuta i, gennep i bekkes sinikelemokenna.

⁴Nai dokenken kalak i mo, “Tolè, kebbas mo kita mengkubu Jerusalem! Aci mo kita sijuhap mahar ari enda!” Tapi kessa i idokken kalak i nola dèng ma mo, “Iah, enggo latsu! Enggo tubenna gellap ari, enggo mo tubenna nggeddang lèndung.

⁵Selloh mo kita mengkubu nola tikan berngin, janah mengelala bènteng-bèntèng kuta idi.”

⁶Enggo iperèntahken JAHOWA Pergegoh Sisotercodi i taba perkuasa-perkuasa idi asa menabahi nasa kayu janah memajek uruk pertahanen lako mengkubu Jerusalem. Nina JAHOWA mo, “Hukumenku mo kuta ènda kumerna enggo meduk iulaken penèndessen ibagasen.

⁷Bakunè kin laè mul kibuncarken laè nciho, bagi mo kuta i dak pukpuk mengkerohken kejahaten. Pellin berita kekerasen dekket penamunen nai ngo dak Kudengkoh i kuta idi nai; ugah dekket sakit ngo Kuidah barang i dikè sambing.

⁸Alè pengisi Jerusalem, naing mo nemmuken karina kepenjetten ènda gabè sipesèngèt bamu! Ulang nola sanga Kutadingken kènè janah Kuobah kuta ndènè gabè padang gurun siso i iani jelma.”

⁹Nina JAHOWA Pergegoh Sisotercodi i ngo taba aku, “Gundulen mo Israel sampè mbolsih tosè bagè pekken anggur sienggo ipotik karina buahna. Kumerna i sinderrang lot dèng tikkina, paluah mo sitadingna i dèng.”

¹⁰Kualoi mo, “Alè JAHOWA, taba isè mo ndia aku kennah mengerana, janah isè mo si kennah pesèngètenku? Mpihir ngo perukuren kalak i janah oda uè mendatèken. Itaba-tabai janah ikecegoken kalak i ngo tennahMu sikupesoh taba kalak i.

¹¹Lagamu pè taba kalak i nggerger ngo ibas diringku, alè JAHOWA! Mahal ngo lako memekkemsa.” Nai nina JAHOWA mo, “Pesembuh mo lagangku idi meradepken anak-anak si lot i dalan dalan mbellen dekket taba anak perana si tupung merpulung-pulung. Tangkupen mo anak laki bak daberru, janah kalak sienggo nggeddang umurna pè oda maluah.

¹²Bages kalak i pè berènken mo bai kalak sidèban, bagi ma bang juma bak nasa sinibages kalak idi. Hukumenku mo pengisi nagerri ènda.

¹³Karina kalak i simbelgah bak sikèdèk, menulusi laba merkitè dalan siso selloh. Bang nabi dekket imam pè mengoto-ngotoi jelma ngo.

¹⁴Ugah-ugah bangsangKu iètong kalak i ngo ugah cituk sambing. ‘Ah, oda kadè i’, nina kalak i, ‘karina ngo selloh janah mènak.’ Keppèken situhuna oda ngo bagi.

¹⁵Kennah ngo nemmuken mèla kalak i kumerna enggo mengulaken karina simerlèa i. Tapi ngkapal ngo abè kalak i janah oda ibettoh mèla. Kumerna i kennah ngo kalak i ndabuh bagè kalak sidèbanna i; tompet mo kalak i mula Kuhukum kessa kalak i. Aku, JAHOWA ngo, simendokken i.”

¹⁶Nina JAHOWA mo taba bangsaNa, “Cènder mo ko i sirpang-sirpang dalan, janah datèken mo selloh! Kusoken mo dalan-dalan siarnia dekket apahna simerandalna ipas dalan idi nai. Ekutken mo dalan idi asa menak nggelluh ndènè.” Tapi nina kalak i mo, “Malot i, oda uè kami mengèkutken dalan idi!”

¹⁷Nai nggati mo JAHOWA dak pebangkitken pertaram lako pesèngètken kalak i asa ièkutken bakunè pertanda sinidokken sora sarunè i. Tapi nina bangsa idi ngo, “Oda uè kami mendengkohken i.”

¹⁸Kumerna i nina JAHOWA mo, “Dengkohken mo alè bangsa-bangsa! Kennah ngo bettohen ndènè kadè simasa taba bangsangKu.

¹⁹Datèken mo, ko alè tanoh èn! Oda ngo uè bangsangKu menjalo ajarKu janah oda uè tunduk bangKu. Sikira bales taki-taki kalak i Kubakin mo roh jèkat bai kalak i.

²⁰Mahan kadè mo kemènjen siniembah kalak i baKu i Syeba nai, barang pè rempah-rempah i nagerri sindaoh nai? Oda lemmo ètongenku menjalo pemèlèen kalak i. Oda kadi Aku i pèlèen situtungen kalak i.

²¹Aku mo memaingken kalak èn tertuktuk janah tergempang. Bapa bak dukak, dengngan bak dengngan kundul karinana kennah salpun.”

²²Nina JAHOWA mo, “Enggo berkat sada bangsa simergegoh i nagerri sindaoh i utara nai. Roh ngo kalak i lako mergeraha.

²³Mersinjataken panah bak kujur ngo kalak i; njongir ngo kalak i janah oda menandai jerra. Codi bagè sora laut gumeruhguh bagi ngo sora peningkah kuda kalak i sinipatcu merlojang nderras mengkubu Jerusalem.”

²⁴Mendengkoh berita i, oda nèngè mo mergoldè pengisi Jerusalem. Idomi ukur mbiar mo kalak i karina, janah terendep-endep bagè daberru rabisen naing ketaring.

²⁵Oda pang kalak i susur mi dalan barang pè laus mi juma, kumerna barang i dikè sambing pè enggo gulut ibaing musuh si merbeddil.

²⁶Idokken JAHOWA mo taba bangsaNa, “Selluk kènè mo kaèn goni, janah mergoling-goling mo kènè i babo cirabun. Bonek mo kènè janah tangis milangi bagè kalak simenangisi dukak anak sada-sada, kerna roh mo sintempu pengago menjuhap kènè.”

²⁷Nai nina JAHOWA mo taba si Jeremia, “Oji mo bangsangKu, bakunè ko mengoji tembaga. Perrèso mo bakko kalak i!

²⁸Karina ngo kalak i pengalo-ngalo simpihir ukur, bagè mpihir tembaga bak bessi. Macik ngo perulaen kalak i janah merdalan-dalan tah pak dikè sambing lako peraratken berita peroha-rohaken kalak sidèban.

²⁹Enggo mo nggara bekkas pengelalaen, tapi tong oda uè menètè janah mbalang tai-tai tembaga. Datina ngo bangsangKu dak pukpuk ioji lako pepantingken, kerna kalak si jahat oda ipesisi.

³⁰Geraren mo kalak i pirak sinipitakken, kumerna Aku JAHOWA ngo, enggo memitakken kalak i.”