Read Batak Dairi Hesekiel 15 Bible Online

Hesekiel 15 - Batak Dairi bible

Hesekiel 15

¹Nina JAHOWA mbang aku,

²“Alè jelma simangko-angko, kadè ngo kesurungen kayu anggur ipas kayu sidèbanna sinirambah i nai? Kadè ngo kelebihen kayu anggur ipas kayu-kayu sidèban i rambah i nai?

³Ndorok ngo ipakkè kayuna lako mahan barang kadè? Ndorok ngo ibaing mahan sangketten perkekkas?

⁴Kadè poda gunana laènken mahan sebban. Janah mula enggo kerri duana puncana melekkup, janah sikan tengahna pè gabè harang, lot dèng ngo gunana?

⁵Oda lot! Salang tikan madèng itutung oda lot gunana. Makinsa nola mo enggo kessa itutung janah ilekkup api!”

⁶Kumara i idokken JAHOWA Sintèmbul i, “Tosè bagè kayu anggur sinibuat i rambah nai janah ilekkup, bagi ma mo kubaing pengisi Jerusalem!

⁷Kuhukum mo kalak i. Kasi pè enggo maluah kalak i ipas api nai, tapi api ma ngo tong mengkeriken kalak i. Nai satdar mo kènè Aku ngo JAHOWA.

⁸Oda setia kalak i taba Aku, kumara i, Kubaing mo tanoh i gabè gurun. Aku JAHOWA Sintèmbul i ngo mendokken i.”