Read Batak Dairi Hosea 2 Bible Online

Hosea 2 - Batak Dairi bible

Hosea 2

¹Kumerna i gerari mo kaltumu sisada merkitè gerar “Bangsa Dèbata” dekket “Sinimasèhen JAHOWA”.

²Nina JAHOWA mo, “Alè dukak-dukakKu oda nè ngo sinibagesKu inang ndènè i, janah Aku pè oda nèngè sinibalèna. Kumerna i, perkaraken kènè mo ia asa ulang nèngè ia merlangkah pilit janah ulang ne merlangkah julu meddem.

³Mula dak tong ngo ia merlangkah pilit, talkasenku mo pekkenna asa lubus ia bagè sinderrang itubuhken. Kubaing mo ia tosè bagè tanoh ngkerrah kerring, nai matè muasen mo ia.

⁴Oda nè masèh atèngku taba, kènè, dukak-dukakna; tubuh kan perkendangen nai ngo kènè.

⁵Perlangkah pilit ngo inang ndènè siso memettoh mèla. Nina Ia ngo, ‘Laus mo Aku mendahi kekelengen atèngku simemerèken bangku pangaen bak ènumen, wol bak kaèn linen, minak zaitun bak anggur.’

⁶Kumerna i, kurungenKu mo ia dekket rambah merdori, janah menutup dalanna dekket pagar batu.

⁷Ijalangi ngo kekelengen atèna, tapi oda ndorok soh mendahi kalak i. Itulusi ngo kalak i, tapi laju oda jupasa. Nai idokken mo, ‘Balik mo Aku mendahi sinibalèngku perlebbè; ai sellohen ngo pernggelluhku tikala i daripada bagèndari.’

⁸Oda nung ipertuhu inang ndènè magahken Aku ngo memerèken bana pagè, anggur, minak zaitun nasa emmas pirak sinipakèna lako menembah dèbata Baal idi.

⁹Kumerna i, Kutarik mo balik pemerrèkenKu i tikan mosin peranien, imo pagè dekket anggur, bagi bak wol dekket kaèn linen siKuberrèken bana mahan pakèenna.

¹⁰Kelanjangenku mo ia i lebbè karina kendangenna. Sada kalak poda ibas kalak i nai ndorok paluahkensa ibas kuasangKu nai.

¹¹Pekomenku mo karina pèstana, bang kerja tahun barang pè pèsta bulanen dekket ari Sabat; sandok karina tupèh, pesta perugamaenna.

¹²Salpunenku mo karina kayu anggur bak kayu ara imo sinidokkenna upah pengkebasina bai kendangenna i. Obahenku mo pekken pekken anggur bak kayu arana gabè rambah; kerri mo ipencèdaken binatang sinirambah.

¹³Hukumenku mo ia kumerna ari-ari sinipakkèna lako menutung dahupa bai Baal, bak mengelagak merkitè perhiasenna lako mengayaki kendangen-kendangenna, nai ilupaken bagi mo aku. Aku, JAHOWA ngo, simendokken idi.”

¹⁴Nina JAHOWA mo, “Kumerna i Kubabai mo ia mi padang gurun; Kuendik-endik mo ia i sidi merdengan rana kelleng atè.

¹⁵Kuberrèken mo balik bana pekken pekken anggurna, janah baingenku mo Napa Kesusahen gabè pèntu pengharapen. I sidi mo ia menghalopken Aku bagè sinderrang kenaposoenna dèng, sinderrang rembaru karuar dèng ia i Mesir nai.

¹⁶Nai idokken nola mo Aku sinibalèna, janah oda nè Baal sem- bahenna.

¹⁷Oda kuduè nèngè ia menggegoli Baal, gabè ilupaken dèba mo gerar idi.

¹⁸Ipas katika i bakinenKu mo perpadanen meradepken sagumanna matcam binatang asa ulang ilolahi kalak i bangsangKu. Petadienku mo segala geraha janah pesisiken perkekkas mergeraha i nagerri bangsangKu idi nai, janah memaingken sennang nggelluh kalak i janah merkemènaken.

¹⁹Alè Israel, baingenKu mo ko gabè sinibagesKu, sinibages tohè soh mi sidekkahna. Dak ngo masèh janah kelleng atèngKu bamu; bujur janah setia ngo pemakinKu bamu.

²⁰Rembang mi padanKu, Kukabini mo kono. Iperketuhu kono mo Aku sendiri JAHOWAmu.

²¹Ibas katika i, mula mersodip bangsangKu Israel, dengkohenKu mo kalak i. BakinenKu mo roh udan i langit nai gabè ihasilken tanoh i mo pagè, anggur dekket minak zaitun.

²³BakinenKu mo bèak gabè bangsangKu janah menettap i nagerri kalak i. Bai kalak i sinigeraren ‘Siso Nimasèh Atèen’ petuduhenKu mo magahken Kukekelengi ngo kalak i, janah taba kalak i sinigeraren ‘Oda BangsangKu’ dokkenenKu mo, ‘BangsangKu ngo Kènè.’ Ialoi kalak idi mo bagèen, ‘Kono ngo Dèbata nami.’ ”